Чыжоўка — мікрараён у складзе Заводзкага раёну гораду Менску (Беларусь).
Чыжоўка | |
Мікрараён | |
Горад: | Менск |
---|---|
Дата заснаваньня: | 1964 |
Папярэдні статус: | вёска |
Насельніцтва: | 62 тыс. чал. |
На паўднёвым усходзе гораду, паміж Чыжоўскім вадасховішчам і МКАД. Мікрараён з поўдня абходзіць вялікай дугой вуліца Ўбарэвіча, што нехарактэрна для вуліц таго часу. Тыповы «спальны раён» з адпаведнай інфраструктурай.
Назоў паходзіць ад былой вёскі на месцы мікрараёну, якая ў 1967 годзе была ўключаная ў склад Менску.
Раён пачаў забудоўвацца ў 1964 годзе. Складаецца зь сямі кварталаў: Чыжоўка-1, Чыжоўка-2 і г. д. (Чыжоўка-7 — гэта прыватны сэктар па вуліцы Чырвоная Слабада, рэшткі вёскі Чыжоўка). Насельніцтва — 62 тыс. чалавек. За МКАД разьмешчаныя Чыжоўскія могілкі.
Чыжоўскае вадасховішча (самае нізкае месца ў Менску), Сьляпянская водная сыстэма, невялікі ручай ля заапарку. Доўгі час купаньне было забароненым, але нягледзячы на гэта былі вельмі частымі выпадкі парушэньня гэтае забароны. У 2010 року купаньне зноў было дазволенае.
Пераважны тып забудовы — дамы 5, 9, 12 паверхаў, ёсьць таксама асобныя будынкі адно-двухпавярховай забудовы, якая засталася ад вёскі.
Раён засяляўся пераважна работнікамі Менскага трактарнага заводу, Менскага аўтазаводу і Менскага маторнага заводу.
Галоўныя вуліцы — Ташкенцкая, Галадзеда, Чырвонаслабодзкая і Ўбарэвіча.
На тэрыторыі мікрараёну знаходзіцца Менскі дзяржаўны вышэйшы авіяцыйны каледж (МДВАК).
У сыстэму дзяржаўнай аховы здароўя ўваходзяць Гарадзкая клінічная бальніца № 10, паліклініка № 22 (дзіцячае і дарослае аддзяленьні).
У мікрараёне дзейнічаюць дзьве бібліятэкі. Раней дзейнічаў кінатэатар «Дружба».
У мікрараёне знаходзіцца Чыжоўскі рынак.
У мікрараёне знаходзяцца тры кальцы грамадзкага транспарту.
Дзейнічае наступны грамадзкі транспарт:
Чыжоўка (мікрараён) — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Чыжоўка (мікрараён), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.