Помнік гісторыі | |
Царква Ўсьпеньня Багародзіцы | |
Усьпенская царква | |
Краіна | Беларусь |
Места | Віцебск |
Каардынаты | 55°12′03″ пн. ш. 30°12′36″ у. д. / 55.20083° пн. ш. 30.21° у. д. 30°12′36″ у. д. / 55.20083° пн. ш. 30.21° у. д. |
Канфэсія | Расейская праваслаўная царква і Беларускі экзахат |
Эпархія | Віцебская і Аршанская япархія[d] |
Архітэктурны стыль | псэўдарускі стыль[d] |
Сайт | vitprav.by/2420.html |
Царква Ўсьпеньня Багародзіцы | |
Царква Ўсьпеньня Багародзіцы на Вікісховішчы |
Царква Ўсьпеньня Багародзіцы — помнік гісторыі другой паловы XIX стагодзьдзя (мураўёўка) у Віцебску. Знаходзіцца каля Батанічнага саду, на гістарычнай Вялікай Багаслоўскай вуліцы. Дзее. Твор архітэктуры расейскай эклектыкі.
Мураваную Ўсьпенскую царкву Ўрадавага сыноду Расейскай імпэрыі (Маскоўскай царквы) у Віцебску збудавалі ў 1858 годзе на месцы стараверскай малельні.
У 1920-я гады савецкія ўлады зачынілі царкву і прыстасавалі будынак пад гаспадарчыя патрэбы. У 1989 годзе ў царкве аднавіліся службы. У 1997 годзе будынак перадалі Беларускаму экзархату Маскоўскага патрыярхату.
Прыклад эклектычнай царкоўнай архітэктуры Расейскай імпэрыі. Гэта прастакутны ў пляне аб’ём з паўкруглай апсыдай, завершаным 2-схільным дахам з вальмай з боку франтальнага фасаду і драўляным 8-гранным барабанам з купалам-цыбулінай. Галоўны роўнічны фасад мае 3 восі: у цэнтры прастакутны ўваходны праём, зь яго бакоў прастакутныя аконныя праёмы, разьмешчаныя ў 2 ярусы. Бакавыя фасады падзяляюцца буйнымі лапаткамі на 3 праслы, апярэзваюцца прафіляваным карнізам і праразаюцца прастакутнымі аконнымі праёмамі.
Усярэдзіне будынак перакрываецца роўнай стольлю на 2 паверхі. На 1-м паверсе малітоўная заля, ад якой мураваным прасьценкам вылучаецца апсыда. Прасьценак падзяляецца бакавымі лучковымі і цэнтральным прастакутным уваходнымі праёмамі. Ён служыць своеасаблівым іканастасам, дзе разьмяшчаюцца абразы, у цэнтральным праёме — царскія вароты. Малітоўная заля ў цэнтры падзяляецца на 2 паловы 2 слупамі і перакінутымі празь іх аркамі. Другі паверх адводзіцца пад апартамэнты сьвятара.
This article uses material from the Wikipedia Беларуская (тарашкевіца) article Царква Ўсьпеньня Багародзіцы (Віцебск), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.