Chryścijanskaja Dumka
Chryścijanskaja Dumka (Хрысьціянская думка) — рэлігійны часопіс беларусаў-каталікоў, які выдаваўся з 6 студзеня 1928 году ў Вільні пад рэдакцыяй ксяндза Адама Станкевіча.
У розныя часы быў штодвухтыднёвікам і месячнікам. Змагаўся за родную мову ў касьцёлах, зьмясьціў цыкль публікацыяў Адама Станкевіча «Rodnaja mowa u światyniach». Талерантна ставіўся да праваслаўя, прапагандаваў ідэю царкоўнай уніі. Зьмяшчаў літаратурныя творы Францішка Грышкевіча, Казімера Сваяка, Уладзіслава Берняковіча, Сяргея Пеюна, Янкі Быліны, Марвіча (Мар’яна Пецюкевіча), Гальяша Леўчыка і іншых, нарысы пра жыцьцё і творчасьць Казімера Сваяка і Ядвігіна Ш. У часопісе публікаваліся рэцэнзіі на выхад кніг паэзіі Андрэя Зязюлі «З роднага загону» (1913, 1931) і Хведара Ільяшэвіча «Зорным шляхам» (1932). Часопіс інфармаваў пра дзейнасьць беларускага выдавецтва «Krynica». Выходзіў лацінкай.
Вонкавыя спасылкі
- «Chryścijanskaja Dumka. Biełaruskaja katalickaja časopiś» (1928—1939). // Бібліятэка Акадэміі навук Літвы імя Урублеўскіх (па-летувіску: Lietuvos mokslų akademijos Vrublevskių biblioteka (LMAVB). Žygimantų g. 1, LT-01102 Vilnius
- Chryścijanskaja Dumka. Biełaruskaja katalickaja časopiś у Беларускай інтэрнэт-Бібліятэцы Kamunikat.
- З чаго сьмяяліся беларусы ў 1937 годзе // Наша ніва
This article uses material from the Wikipedia Беларуская (тарашкевіца) article Chryścijanskaja Dumka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.