Ханты-Мансійская Аўтаномная Акруга — Югра

Паводле статуту Цюменскай вобласьці, Югра ўваходзіць да складу Цюменскай вобласьці, але пры гэтым зьяўляецца раўнапраўным суб’ектам Расейскай Фэдэрацыі. Знаходзіцца ва Ўральскай фэдэральнай акрузе. Утворана 10 сьнежня 1930 году. Акруга зьяўляецца эканамічна самадастатковым рэгіёнам-донарам. У Югры здабываецца 60 % расейскай нафты. Займае 2 месца паводле маштабу эканомікі ў Расеі (саступаючы толькі Маскве).

Ханты-Мансійская аўтаномная акруга — Югра
Ханты-Мансийский автономный округ — Югра
Герб	Сьцяг
Гімн	гімн Ханты-Мансійскай аўтаномнай акругі — Югры[d]
Агульныя зьвесткі
Краіна	Расея
Статус	аўтаномная акруга
Уваходзіць у	Уральская фэдэральная акруга
Адміністрацыйны цэнтар	Ханты-Мансійск
Найбуйнейшыя гарады	Сургут, Ніжневартаўск, Нефцеюганск
Дата ўтварэньня	10 сьнежня 1930
Губэрнатар	Натальля Камарова
Афіцыйныя мовы	расейская мова, хантыйская мова і Мансійская мова
Насельніцтва (2015)	1 612 076 (28-е месца)
Шчыльнасьць	3,01 чал./км²
Плошча	534 801 км² (7-е месца)
Месцазнаходжаньне Ханты-Мансійскай аўтаномнай акругі — Югры
Мэдыя-зьвесткі
Часавы пас	GMT +5
Код ISO 3166-2	RU-KHM
Код аўтам. нумароў	86 і 186
Афіцыйны сайт
Дадатковыя мультымэдыйныя матэрыялы

Адміністрацыйны цэнтар — горад Ханты-Мансійск. Найбуйнейшыя гарады — Сургут (340 845 чал.), Ніжневартаўск (268 456 чал.), Нефцеюганск (125 368 чал.). Мяжуе зь Ямала-Ненецкай аўтаномнай акругай, Краснаярскім краем, Томскай вобласьцю, Цюменскай вобласьцю, Сьвярдлоўскай вобласьцю ды Рэспублікай Комі. Этнахаронім — югарчане, югарчанін, югарчанка.

У 1970—1980-я гады ў Ханты-Мансійскую аўтаномную акругу прыехалі беларускія будаўнікі, якія ўзьвялі горад нафтавікоў Лангепас. Сярод іншых, у гонар гэтага горада ў 1991 годзе назвалі сучаснае нафтавае прадпрыемства «Лукойл».