Уладзі́мер Ма́рхель (28 сакавіка 1940, в.
Жыгалкі, Стаўпецкі раён, Баранавіцкая вобласьць — 26 жніўня 2013) — беларускі літаратуразнавец і паэт.
Уладзімер Мархель | |
Асабістыя зьвесткі | |
---|---|
Нарадзіўся | 28 сакавіка 1940 |
Памёр | 26 жніўня 2013 (73 гады) |
Літаратурная дзейнасьць | |
Род дзейнасьці | літаратуразнаўца, перакладнік, паэт, літаратар |
Мова | беларуская мова |
Нарадзіўся 28 сакавіка 1940 году ў в. Жыгалкі Стаўпецкага раёну Баранавіцкай вобласьці ў сям’і служачых.
Скончыў сярэднюю школу імя Я. Коласа ў в. Мікалаеўшчына (1957), працаваў малатабойцам у калгасе, рабочым ачышчальнага забою (меў кваліфікацыю 6-га разраду) на шахце ў Навашахцінску Растоўскай вобласьці Расеі. У 1964 годзе скончыў аддзяленьне беларускай мовы і літаратуры філялягічнага факультэта Беларускага дзяржаўнага ўнівэрсытэту.
У 1964—1969 гадох выкладаў расейскую мову і літаратуру ў школах — у вёсцы Стадолічы Лельчыцкага раёну, Валожыне, Менску, працаваў у газэце «Менская праўда», старшым рэдактарам у Цэнтральнай навуковай бібліятэцы імя Якуба Коласа АН БССР, малодшым навуковым супрацоўнікам у Аддзеле навуковай інфармацыі па грамадзкіх навуках. З 1978 году — навуковы супрацоўнік Інстытуту літаратуры імя Янкі Купалы АН БССР. Кандыдат філялягічных навук. Сябра Саюзу пісьменьнікаў СССР з 1988 году.
Памёр 26 жніўня 2013 году. Пахаваны ў Менску на Паўночных могілках.
Дэбютаваў вершамі ў 1954 годзе у стаўпецкай раённай газэце «Голас селяніна». З 1957 году выступаў у рэспубліканскім друку як паэт і літаратуразнавец. Аўтар кніг «Лірнік вясковы: Сыракомля ў беларуска-польскім літаратурным узаемадзеяньні» (1983), «Вяшчун славы і волі» (1989), «Крыніцы памяці» (1990). Укладальнік зборнікаў твораў В. Каратынскага (1981) і Я. Лучыны (1988).
З польскай на беларускую пераклаў вершы Я. Купалы, асобныя творы В. Дунін-Марцінкевіча, У. Сыракомлі, В. Каратынскага, Я. Лучыны, Я. Каханоўскага, Л. Стафа, Ю. Тувіма, Р. Дабравольскага, Б. Драздоўскага і інш.
This article uses material from the Wikipedia Беларуская (тарашкевіца) article Уладзімер Мархель, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.