Уус Гарадзенскага Аблвыканкаму

Мае ў падпарадкаваньні раённыя і мескія аддзелы ўнутраных спраў Гарадзенскае вобласьці. Начальнік УУС прызначаецца міністрам унутраных спраў. Знаходзіцца ў Горадні па Акадэмічнай вуліцы, д. 3.

На 2021 год УУС Гарадзенскага аблвыканкаму ўлучала:

• крымінальную міліцыю ў складзе 4-х управаў — 1) крымінальнага вышуку, 2) барацьбы з эканамічнымі злачынствамі, 2) наркакантролю і супрацьдзеяньня гандлю людзьмі, 4) «К» (кібэрзлачыннасьці);
• міліцыю грамадзкай бясьпекі, што ўлучала: 2 управы — 1) аховы правапарадку і прафіляктыкі, 2) грамадзянства і міграцыі; аддзел апэратыўна-дзяжурнай службы і Дзяржаўную аўтамабільную інспэкцыю (ДАІ);
• іншыя 11 падразьдзяленьняў, у тым ліку: 2 управы — 1) Галоўнай управы ўласнай бясьпекі, 2) Дэпартамэнту аховы; 2 аддзелы — 1) абароны дзяржаўных сакрэтаў і дакумэнтацыйнага забесьпячэньня, 2) наглядна-выканаўчай дзейнасьці; аддзяленьне інфармацыі і грамадзкіх сувязяў, бюро пашпартызацыі насельніцтва, вайскую частку 5522, інфармацыйны цэнтар, мэдычная служба Дэпартамэнту фінансаў і тылу, падразьдзяленьне кадраў і ідэалягічнай працы, а таксама штаб;
• 20 тэрытарыяльных падразьдзяленьняў, зь іх 17 у раёнах вобласьці, 2 у Кастрычніцкім і Ленінскім раёнах Горадні, а таксама Гарадзенскі аддзел унутраных справаў на транспарце.

Тэрытарыяльныя падразьдзяленьні

На 2021 год УУС Гарадзенскага аблвыканкаму налічвала 20 тэрытарыяльных падразьдзяленьняў, у тым ліку Гарадзенскі аддзел унутраных справаў на транспарце, Кастрычніцкі і Ленінскі раённыя аддзелы ўнутраных справаў (РАУС) Горадні, а таксама 17 РАУСаў у раёнах Гарадзенскай вобласьці: Астравецкі, Ашмянскі, Бераставіцкі, Ваўкавыскі, Вярэнаўскі, Гарадзенскі, Зьдзецельскі, Зэльвенскі, Іўеўскі, Карэліцкі, Лідзкі, Мастоўскі, Наваградзкі, Сьвіслацкі, Слонімскі, Смаргонскі і Шчучынскі.

Службовыя асобы:

• Начальнік УУС: Вадзім Іванавіч Сіняўскі, генерал-маёр міліцыі.
• Першы намесьнік, начальнік крымінальнай міліцыі: Аляксандар Іванавіч Шастайла, палкоўнік міліцыі
• Намесьнік начальніка УУС — начальнік міліцыі грамадзкае бясьпекі: Валянцін Пётравіч Асіповіч, палкоўнік міліцыі
• Намесьнік начальніка УУС: Ігар Мікалаевіч Генец, палкоўнік міліцыі

• Электронны зварот // Управа ўнутраных справаў Гарадзенскага аблвыканкаму, 2021 г. Праверана 23 лютага 2021 г.
  • Адміністрацыйныя працэдуры ДАІ(недаступная спасылка)