Турайдзкі Замак

замак
Турайдзкі замак лат. Turaidas pils, ням. Burg Treiden
Краіна	Латвія
Месцазнаходжаньне	Сігулда
Каардынаты	57°10′56″ пн. ш. 24°51′01″ у. д. / 57.18222° пн. ш. 24.85028° у. д. / 57.18222; 24.85028 24°51′01″ у. д. / 57.18222° пн. ш. 24.85028° у. д. / 57.18222; 24.85028
Архітэктурны стыль	цагляная готыка
Першае згадваньне	1214
Дата заснаваньня	1214
Будаваньне	1214—XVI стагодзьдзе
Статус	археалягічны помнік дзяржаўнага значэньня[d]
Сайт	Афіцыйны сайт
Турайдзкі замак на мапе Латвіі Турайдзкі замак
Турайдзкі замак на Вікісховішчы

Тура́йдзкі замак (па-латыску: Turaidas pils), або Тра́йдэнскі замак (па-нямецку: Burg Treiden) — нямецкі цагляны замак у Лівоніі (сучасная Латвія, Сігулдзкі край, горад Сігулда, мясцовасьць Турайда). Заснаваны ў 1214 годзе па загадзе рыскага біскупа Альбэрта фон Буксгеўдэна як фарпост у ліўскай Таарскай зямлі (Трайдэне). Будаўніцтва завершана ў XVI стагодзьдзі. Згарэў у 1776 годзе. Сучасны выгляд набыў пасьля рэстаўрацыі 1973 году.

Пабудаваны на месцы зруйнаванага лівамі драўлянага замку ліўскага князя Каўпа. Замак будаваўся паступова (да XVI стагодзьдзя) і быў адной з рэзыдэнцыяў рыскага біскупа. Пасьля распаду Лівонскае дзяржавы стаў часткай уласнасьці маёнтку Турайда.

Замак згарэў падчас пажару ў 1776 годзе. Рамантычныя руіны прываблівалі турыстаў у XVIII і XIX стагодзьдзях. У 1936 г. у круглай вежы была пабудавана аглядная пляцоўка. У 1973 годзе пачаліся археалягічныя дасьледваньні і рэстаўрацыя замку, якая цягнулася 25 год. У прыватнасьці, цалкам была адноўлена галоўная вежа замку, вышыня якой дасягае 38 мэтраў.

У 1988 годзе на прылеглай да замку тэрыторыі быў заснаваны Турайдзкі музэй-запаведнік.

• Сігулдзкі сярэднявечны замак
• Сігулдзкі замак

  Турайдзкі замак — сховішча мультымэдыйных матэрыялаў

• Вэб-сайт Турайды
• Турайдзкі музэй-запаведнік
• Сайт пра сярэднявечныя замкі Латвіі