Сьцьвіга: рака ў Беларусі

Цячэ ў Столінскім і Жыткавіцкім раёнах. Даўжыня 178 км (у межах Беларусі 112 км). Плошча вадазбору 5,3 тыс. км² (у межах Беларусі 4,3 тыс. км²). Выдатак вады ў вусьці 21,6 м³/с. Агульны спад ракі 68,3 м. Сярэдні нахіл воднай паверхні 0,4 ‰.

Рака

Сьцьвіга
Сьцьвіга на Прыпяцкім Палесьсі
Агульныя зьвесткі
Выток	каля в. Будкі-Снавідоцкай
Вусьце	Прыпяць
Краіны басэйну	Беларусь, Украіна
Вобласьці	Берасьцейская вобласьць і Гомельская вобласьць
Даўжыня	178 км
Сярэднегадавы сьцёк	21,6 м³/с
Плошча басэйну	5,3 тыс. км²
Нахіл воднай паверхні	0,4 ‰
Галерэя здымкаў у Вікісховішчы

• Правыя: Глушэц, ручай Роў (Плаў), канал Бычок
• Левыя: Маства

Пачынаецца ў Ракітнаўскім раёне Ровенскай вобласьці каля вёскі Будкі-Снавідоцкай на вышыні 188 м над узроўнем мора, вусьце за 2 км на паўночны ўсход ад вёскі Пагосту Жыткавіцкага раёну. Цячэ ў межах Прыпяцкай нізіны (Жытомірскім Палесьсем ва Ўкраіне і Прыпяцкім Палесьсем у Беларусі).

Даліна ў вярхоўі трапэцападобная (шырыня 0,5—1 км), ніжэй невыразная, зьліваецца з прылеглай мясцовасьцю. Абалона двухбаковая, шырыня ў вярхоўі і сярэдняй плыні 80—200 м, ніжэй 0,6—1,2 км. Рэчышча вольна мэандруе, моцназьвілістае, разгалінаванае, трапляюцца пясковыя выспы, якія затапляюцца ў разводзьдзе; у вярхоўі — каналізаванае, шырыня ў ніжняй плыні 20—30 м.

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 357—358.
• Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. — 581 с.
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971