Сургут

Сургут зьяўляецца найбуйнейшым горадам акругі, адзін зь нямногіх расейскіх рэгіянальных гарадоў, які пераўзыходзяць адміністрацыйны цэнтар свайго суб’екта фэдэрацыі як паводле колькасьці насельніцтва, гэтак і прамысловым, эканамічным і турыстычным патэнцыялам.

Сургут
Герб Сургуту Сьцяг Сургуту
Аўтаномная акруга:	Ханты-Мансійская
Плошча:	212,92 км²
Насельніцтва:	324 000 (2012)
Тэлефонны код:	+7 34662
Паштовы індэкс:	628400
Аўтамабільны код:	86
Геаграфічныя каардынаты:	61°15′00″ пн. ш. 73°26′00″ у. д. / 61.25° пн. ш. 73.433333° у. д. / 61.25; 73.433333 73°26′00″ у. д. / 61.25° пн. ш. 73.433333° у. д. / 61.25; 73.433333
Сургут на мапе Расеі Сургут
Галерэя здымкаў у Wiki Commons

Горад зьяўляецца важным чыгуначным і аўтатранспартным вузлом. Асновай эканомікі горада ёсьць кампанія ААТ «Сургутнефтегаз». У Сургуце працуюць адны з самых магутных электрастанцыяў сьвету ДРЭС-1 і ДРЭС-2.

Горад зьяўляецца адным з найстарэйшых сыбірскіх гарадоў. Заснаваны паводле загаду цара Фёдара Іванавіча, выдадзенага 19 лютага 1594 году ваяводзе князю Фёдару Барацінскаму.

Сургут у канцы XVI стагодзьдзя ўяўляў сабой невялікую крэпасьць з двума брамамі, чатырма глухімі й адной праезнай вежамі. У 1596 годзе ў месцы быў пабудаваны гасьціны двор. У XVII—XVIII стагодзьдзях Сургут быў адным з цэнтраў расейскага асваеньня Сыбіры.

Эканоміка гораду зьвязана са здабычай нафты й перапрацоўкай спадарожнага газу. Найбуйнейшымі нафтагазавымі кампаніямі, штаб-кватэры якіх грунтуюцца ў горадзе, ёсьць ААТ «Сургутнефтегаз», «Газпром трансгаз Сургут», як адна з асноўных складнікаў расейскага «Газпрому», і «Газпром Перапрацоўка».

Таксама ў горадзе разьмешчаныя дзьве буйныя электрастанцыі аб’яднанай энэргетычнай сыстэмы Ўрала, якія працуюць на спадарожным і прыродным газе.

•   Чааян, Кітай
•   Залаэгерсэг, Вугоршчына
•   Катэрыні, Грэцыя
•   Альмецьеўск, Расея

• Афіцыйны сайт адміністрацыі гораду
• Сургут у энцыкляпэдыі «Мой город»