Старая Ўпсала
Старая Ўпсала (па-швэдзку: Gamla Uppsala) — старажытнае паселішча ў Швэцыі, у ляндскапе Ўплянд, на поўначы сучаснай Упсалы.
Гісторыя
Пачынаючы з III—IV стагодзьдзя Старая Ўпсала была палітычным цэнтрам племені свэяў, рэзыдэнцыяй свэйскага караля і месцам правядзеньня тынгаў (народных сходаў), і толькі ў IX стагодзьдзі гэтыя функцыі перайшлі да Біркі. З пачаткам хрысьціянізацыі свэяў, Старая Ўпсала становіцца цэнтрам біскупства, а з 1164 году — арцыбіскупства. У 1273 годзе яго цэнтар быў перанесены ў Эстра Арас, які стаў называцца Ўпсала.
Славутасьці
- Каралеўскія курганы — тры могільныя курганы VI стагодзьдзя, якія імаверна, належаць тром свэйскім каралям: Адыльсу, Аўну і Эгілю. Існавала таксама легенда, паводле якой у гэтых курганах быццам пахаваныя галоўныя скандынаўскія міталягічныя багі: Одын, Тор і Фрэй.
- Царква Старой Упсалы — каменная царква, вядомая з 1076 году, якая пэўны час была Катэдральным саборам. У ёй пахаваны Андэрс Цэльсіюс.
- Дысагордэн — музэй пад адкрытым небам, у якім сабраны будынкі XVI—XIX стагодзьдзя
Вонкавыя спасылкі
Старая Ўпсала — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Старая Ўпсала, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.