Юлія Арцюх

Па ўласных словах, мае эканамічную адукацыю і працавала эканамістам-мэнэджарам у ААТ "Агракамбінат «Дзяржынскі».

У студэнцкія гады працавала нянькай у ЗША.

Актывістка грамадзкага аб’яднаньня дапамогі дзецям, хворым на фэнілкетанурыю «Будучыня бязь межаў».

З 2019 году памочніца дэпутаткі ПП НС Беларусі Людмілы Макарынай-Кібак.

Працавала ў адміністрацыі Маскоўскага раёна г. Мінска.

Прапагандысцкая дзейнасьць

Атрымала вядомасьць у СМІ ў 2020 годзе як камэнтатарка па розных тэмах, зьвязаных з масавымі пратэстамі, якія адбываліся пасьля сфальсыфікаваных прэзыдэнцкіх выбараў 9 жніўня 2020 і суправаджаліся беспрэцэдэнтным гвалтам прадстаўнікоў сілавых органаў супраць дэманстрантаў, у тым ліку забойствам некалькіх удзельнікаў пратэстаў. Была прызначаная вядоўцай прапагандысцкіх перадачаў на дзяржаўным тэлеканале СТБ.

У сваіх выступах на тэлевізіі актыўна займалася ачарненьнем і абражаньнем апанэнтаў Лукашэнкі, апраўдвала гвалт сілавых органаў да людзей. Абражала нацыянальныя сымбалі Беларусі.

У красавіку 2021 г. пасьля выпуску перадачы з абразамі на адрас жыхароў Украіны й кіраўніцтва страны была ўнесеная ў базу «Міратворца», куды трапляюць асобы, якія вядуць дзейнасьць супраць інтарэсаў Украіны.

Мае трох дзяцей. Муж — «афіцэр спэцыяльных апэрацыяў».

• Асабістая старонка на сайце СТБ
• Юлія Арцюх на сайце «Міратворца»