Со́нечная электраста́нцыя (СЭС) — устаноўка пераўтварэньня сонечнай радыяцыі ў цеплыню або электраэнэргію.
Віды: 1) тэрмадынамічная — сонечная энэргія пасьлядоўна пераўтвараецца ў цеплавую, а затым у электрычную (магутнасьцю звыш 30 мэгават па цыкле: геліяканцэнтратар, паравы кацёл, турбіна і генэратар); 2) фотаэлектрычная — сонечная батарэя пераўтварае сонечную энэргію ў электрычную (магутнасьць звыш 10 мэгават). Выкарыстоўваецца для апрасьненьня вады і электразабесьпячэньня, у тым ліку касьмічных апаратаў.
На 1 траўня 2021 году ў Беларусі дзейнічала 70 сонечных электрастанцыяў агульнай магутнасьцю 160 мэгават. Найбольшай зь іх была фотаэлектрычная станцыя ў Рэчыцкім раёне (Гомельская вобласьць) магутнасьцю 55,2 мэгаваты. За 2020 год іх агульны аб’ём выпрацоўкі склаў 175, млн кіляват-гадзіна. 13 сьнежня 2021 году ў Мазырскім раёне запусьцілі прыватную сонечную электрастанцыю магутнасьцю 2,5 мэгаваты і плошчай 5,5 гектары. На яе будоўлю пазычыў «Белінвэстбанк». У лютым 2022 году каля вёсцы Рэчыца Чэрыкаўскага раёну (Магілёўская вобласьць) запрацавала сонечная электрастанцыя плошчай 220 га і магутнасьцю 109 мэгават, што зрабіла яе найбольш магутнай у Беларусі. Яна складалася з Паўночнага і Паўднёвага паркаў ды мела разьліковы гадавы аб’ём выпрацоўкі электраэнэргіі 156 960 МВт/гадзіна.
Гэта — накід артыкула. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Сонечная электрастанцыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.