Сеткі стацыянарнай тэлефоннай сувязі ў Беларусі — частка тэлекамунікацыйнай сыстэмы Беларусі, у межах якой ажыцьцяўляюцца паслугі стацыянарнай тэлефоннай сувязі.
Адзіны апэратар — дзяржаўная кампанія РУП «Белтэлекам».
Па стане на верасень 2008 году налічвалася ня менш за 3,718 млн абанэнтаў стацыянарнай тэлефоннай сеткі па Беларусі. Зь іх у сельскай мясцовасьці — 788 тысячаў абанэнтаў.. Узровень датацыяў мясцовай стацыянарнай тэлефоннай сувязі складае каля 40—50%. Памер чаргі на усталяваньне стацыянарнага тэлефона ў 2008 г. складаў 180 тысячаў абанэнтаў па ўсёй краіне.
У 2008 годзе ў Беларусі было ўсталявана больш за 140 тыс. стацыянарных тэлефонаў, у тым ліку больш за 100 тыс. у насельніцтва (для параўнаньня: у 2007 годзе было ўсталявана 91,1 тыс. тэлефонаў, зь іх 79 тыс. у насельніцтва). Зь іх 30 тысячаў былі падключаныя па тэхналёгіі WLL, у выніку чаго колькасьць абанэнтаў у Беларусі, падключаных па тэхналёгіі WLL, па выніках 2008 году склала 40 тысячаў.
РУП «Белтэлекам» у адпаведнасьці з сваёй заявай па стане на сьнежань 2009 году ацэньваў свае вынікі 2009 году ў Рэспубліцы Беларусь наступным чынам:
За 11 месяцаў 2009 году структурамі РУП «Белтэлекам» пракладзена больш за 1,8 тыс. км валаконна-аптычных лініяў для патрэбаў электрасувязі, у тым ліку больш за 900 км — да аграгарадкоў і больш за 600 км лініяў сельскай сувязі).
Паводле некаторых зьвестак за 2007 год, абанэтская база РУП «Белтэлекам» для фізычных асобаў пакрывае каля 40% затратаў апэратара тэлефоннай сувязі, для юрыдычных асобаў — 64%, пахвілінная тарыфікацыя размоваў пакрывае, адпаведна, — 60 і 91% ад вартасьці паслугі.
Сэктар тэлекамунікацыяў застаецца высокарэнтабэльнай галіной эканомікі. Прыбытковасьць прадпрыемстваў сувязі за 7 месяцаў 2009 году склала каля 35% пры сярэдняй рэнтабэльнасьці ў эканоміцы 10,4%. Вышэйшыя паказьнікі былі толькі ў забесьпячэнцаў і збыту (59,3%). Рэнтабэльнасьць самога «Белтэлекама» удвая ніжэй, чым агульная па сэктары (напрыклад, у апэратараў мабільнай сувязі, шматлікіх сеціўных правайдэраў), што тлумачыцца рознымі сацыяльна-эканамічнымі абавязальніцтвамі, якія мае «Белтэлекам».
This article uses material from the Wikipedia Беларуская (тарашкевіца) article Сеткі стацыянарнай тэлефоннай сувязі ў Беларусі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.