«Салідарнасьць» — беларуская газэта.
Недзяржаўнае выданьне, друкаваны орган Беларускага незалежнага прафсаюзу. Наклад газэты ў 2005 годзе складаў 5400 асобнікаў. Заснаванае ў сакавіку 1991 году выданьне ўвесь час падвяргацца ганеньням і перасьледу ўладаў. У ёй друкаваліся артыкулы як на расейскай, так і на беларускай мовах. Галоўны рэдактар «Салідарнасьці» Аляксандар Старыкевіч(pl), былы галоўны рэдактар прафсаюзнай газэты «Беларускі час», якога звольніў новы прафсаюзны старшыня Леанід Козік, адданы Лукашенка.
«Салідарнасьць» | |
Тып | газэта |
---|---|
Фармат | А3 |
Краіна | |
Галоўны рэдактар | Аляксандар Старыкевіч(pl) |
Заснаваная | сакавік 1991 |
Палітыка | Беларускі незалежны прафсаюз[d] |
Мова | расейская, беларуская |
Афіцыйны сайт | gazetaby.com |
Газэта аднавіла выпуск 24 красавіка 2003 году пасьля сямімесячнага перапынку на 16 старонках A3 накладам у 10000 асобнікаў.
3 чэрвеня 2003 году выйшаў сумесны нумар «Белорусской деловой газеты» ды «Салідарнасьці»: такім чынам рэдакцыя падтрымала «БДГ», якую таксама забараняў рэжым Лукашэнкі.
Перад прэзыдэнцкімі выбарамі 2006 году газэта зачынілася, таму што й «Белпошта», і «Белсаюздрук» адмовіліся яе распаўсюджваць — газэта засталася бяз сродкаў да існаваньня. З 8 лютага 2006 году газэта выходзіць толькі ў інтэрнет-вэрсіі.
У дзень прэзыдэнцкіх выбараў 19 сьнежня 2010 году большасьць незалежных інтэрнэт-рэсурсаў, якія асьвятлялі іх ход, былі заблякаваныя, у тым ліку «Салідарнасьць».
У красавіку 2011 году «Салідарнасьць» атрымала папярэджаньне ад пракуратуры за «дыскрэдытацыю» нацыі пры асьвятленьні тэрарыстычнага акту ў менскім мэтро.
На новы 2012 год «Салідарнасьць» абнавіла вэб-сайт.
Са жніўня 2020 году сайт «Салідарнасьці» заблякаваны ў Беларусі. З 2021 году беларускія ўлады блякуюць і люстэрка асноўнага сайту.
У ліпені 2022 году інтэрнет-рэсурсы газеты былі ўнесены ў рэспубліканскі спіс экстрэмісцкіх матэрыялаў.
This article uses material from the Wikipedia Беларуская (тарашкевіца) article Салідарнасьць (газэта), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.