Магілёў Сабор Трох Сьвяціцеляў

Помнік гісторыі
Сабор Трох Сьвяціцеляў
Сабор Трох Сьвяціцеляў
Краіна	Беларусь
Места	Магілёў
Каардынаты	53°54′39.7″ пн. ш. 30°20′29.8″ у. д. / 53.911028° пн. ш. 30.341611° у. д. / 53.911028; 30.341611 30°20′29.8″ у. д. / 53.911028° пн. ш. 30.341611° у. д. / 53.911028; 30.341611
Канфэсія	праваслаўе і Беларускі экзахат
Эпархія	Магілёўская япархія
Архітэктурны стыль	псэўдарускі стыль[d]
Аўтар праекту	Пётр Іванавіч Кальнін[d]
Дата заснаваньня	1914
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Сабор Трох Сьвяціцеляў на мапе Беларусі Сабор Трох Сьвяціцеляў
Сабор Трох Сьвяціцеляў на Вікісховішчы

Царква саборная Трох Сьвяціцеляў — помнік гісторыі пачатку XX стагодзьдзя (мураўёўка) у Магілёве. Знаходзіцца ў цэнтры места, на гістарычным Менскім Рынку. Дзее, катэдральны сабор Магілёўскай япархіі. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Мураваную царкву Ўрадавага сыноду Расейскай імпэрыі (Маскоўскай царквы) збудавалі на Менскім Рынку ў 1903—1914 гадох пад наглядам губэрнскага архітэктара П. Кальніна. Яе асьвяцілі ў гонар трох сьвятых — Васіля Вялікага, Рыгора Багаслова, Яна Залатавуста. У час Першай сусьветнай вайны і знаходжаньня ў Магілёве Стаўкі царкву часта наведваў апошні маскоўскі гаспадар Мікалай II.

У 1961 годзе савецкія ўлады зачынілі царкву, зруйнавалі званіцу і купалы. У будынку адкрылі клюб завода «Строммашына».

У 1989 годзе царкву перадалі Беларускаму экзархату Маскоўскага патрыярхату. З блаславеньня архіяпіскапа магілёўскага і амсьціслаўскага Максіма (Крохі) пры царкве заснавалі сястрынства Міласэрнасьці Сьвятых Жонак-Міраносіц.

Прыклад эклектычнай царкоўнай архітэктуры Расейскай імпэрыі. Гэта крыжова-купальны храм, завершаны 7 купаламі-цыбулінамі. Адметнасьць будынка — магчымасьць увайсьці ў яго з трох бакоў.

Гістарычныя здымкі

• Старыя здымкі
•  
  1910 г.
•  
  1910—18 гг.
•  
  1918 г.
•  
  3 траўня 1918 г.

•  
  1942 г.
•  
  1942 г.
•  
  1942 г.
•  
  1942 г.

Сучасныя здымкі

• Сучасны стан
•  
  З боку апсыды
•  
  Інтэр’ер
•  
  Царква пры саборы
•  
  Капліца пры саборы

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000041

• Сабор Трох Сьвяціцеляў у Магілёве, Radzima.org