Рыгор Крушына
Рыго́р Крушына (сапраўднае імя Рыго́р Каза́к; 3 сьнежня 1907 — 27 сакавіка 1979) — беларускі паэт, празаік, крытык.
| Рыгор Крушына | |
 | |
| Асабістыя зьвесткі | |
|---|---|
| Нарадзіўся | 20 лістапада (3 сьнежня) 1907 |
| Памёр | 27 сакавіка 1979 (71 год) |
| Пахаваны | |
| Літаратурная дзейнасьць | |
| Род дзейнасьці | пісьменьнік, паэт, літаратурны крытык |
| Мова | беларуская мова |
Біяграфія
Нарадзіўся ў вёсцы Бязьверхавічы пад Слуцкам. Ягоны першы зборнік вершаў пад назвай «Паэзія чырвонаармейца» выйшаў у Менску ў 1931 годзе. У 1935 годзе Крушына скончыў Маскоўскі інстытут кінэматаграфістаў. У часе вайны апынуўся ў акупаваным Менску, адкуль патрапіў у эміграцыю, дзе працягваў сваю творчасьць, выпускаючы паэтычныя кнігі. Працаваў Рыгор Крушына і на Радыё Свабода, стаў адным з заснавальнікаў Беларускага Інстытуту навукі й мастацтва ў Нью-Ёрку, а таксама — першым беларусам-сябрам Міжнароднага ПЭН-цэнтру. Памёр у ЗША.
Кнігі
Сем зборнікаў вершаў, апублікаваных пры жыцьці:
- Лебедзь чорная (1947)
- Выбраныя творы (1957)
- Вячорная лірыка (1963)
- Хвіліна роздуму (1968)
- Вясна ўвосень (1972)
- Дарогі (1974)
- Сны і мары (1975)
А таксама пасьмяротныя ўжо на Беларусі:
- Цымбаліст (Менск, 2004)
- Выбраныя творы (Менск, 2005)
Літаратура
- Святлана Сачанка. «Крушына Рыгор (сапр. Казак)». Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2 — С. 267.
- «Крушына (сапр. Казак) Рыгор». Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1999. — Т. 8: Канто — Кулі. — 576 с. — ISBN 985-11-0144-3 — С. 492.
- Лідзія Савік. «І ты адтуль, мая вясна...» Рыгор Крушына (1907 — 1979). Бібліяграфія. // Пакліканыя. Літаратура беларускага замежжа. : газэта. — Менск: Тэхналогія, 2001. — С. 275 — 305, 306 — 307. — ISBN 985-458-037-7.
Вонкавыя спасылкі
This article uses material from the Wikipedia Беларуская (тарашкевіца) article Рыгор Крушына, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.