Рух недалучэ́ньня (па-ангельску: Non-Aligned Movement) — міжнародная арганізацыя, якая аб’ядноўвае 118 дзяржаваў сьвету на прынцыпах няўдзелу ў ваенных блёках (пад якімі на момант заснаваньня арганізацыі разумеліся найперш НАТО і Варшаўская дамова, а цяпер таксама Багдадзкі пакт, SEATO, ANZUS і да т. п.).
Рух недалучэньня афіцыйна створаны 25 дзяржавамі на Бялградзкай канфэрэнцыі ў верасьні 1961 року. Стварэньню папярэднічалі Бандунская канфэрэнцыя 1955 року і трохбаковыя кансультацыі Ёсіпа Броз Тыта, Гамаля Абдэля Насэра і Джавахарлала Нэру ў 1956.
Па стане на сярэдзіну верасьня 2006 налічвае 118 сябраў, у тым ліку 1 эўрапейскую дзяржаву (Беларусь), 38 азіяцкіх, 53 афрыканскія, 26 лацінаамэрыканскіх і карыбскіх.
Статус назіральнікаў маюць 20 краінаў: Армэнія, Босьнія і Герцагавіна, Бразылія, Казахстан, Кыргыстан, Кітай, Коста-Рыка, Мэксыка, Парагвай, Сальвадор, Сэрбія, Чарнагорыя, Таджыкістан, Украіна, Уругвай, Харватыя. Такі самы статус маюць 5 міжнародных і 2 нацынальна-вызваленчыя арганізацыі: ААН, Афрыканскі зьвяз, Арабская ліга, Арганізацыя Ісламская канфэрэнцыя, Арганізацыя салідарнасьці народаў Азіі і Афрыкі, Канакскі сацыялістычны фронт народнага вызваленьня (Новая Каледонія), Новы рух за незалежнасьць Пуэрта-Рыка.
Рух недалучэньня — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Рух недалучэньня, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.