«Ро́дныя го́ні» — месячнік літаратуры й культуры Заходняе Беларусі.
Выдаваўся з сакавіка 1927 да кастрычніка 1927 году ў Вільні на беларускай мове. Выйшлі 6 нумароў. Орган Таварыства Беларускай Школы. Друкаваўся ў Беларускай друкарні імя «Францішка Скарыны» на Людвісарскай вул., дом 1. (па-летувіску: Liejyklos gatvė 1) (54°40′57.75″ пн. ш. 25°16′47.08″ у. д. / 54.6827083° пн. ш. 25.2797444° у. д.)
Родныя гоні | |
Тэматыка | літаратура, культура |
---|---|
Пэрыядычнасьць | штомесяц |
Адрас | Вільня, Крывое Кола. 21; Вільня, Тургельская 22 кв. 3. (па-летувіску: Turgelių gatvė 22) (54°40′14.36″ пн. ш. 25°17′35.72″ у. д. / 54.6706556° пн. ш. 25.2932556° у. д.) |
Выдавец | М. Станкевіч |
Галоўны рэдактар | Вера Дзегцяранка |
Дата заснаваньня | сакавік 1927 |
Дата закрыцьця | кастрычнік 1927 |
Мова | беларуская |
Аб’ём | 49-65 старонак |
Мастацкае афармленьне Яэпа Горыда. У асобным разьдзеле асьвятлялася праца гурткоў ТБШ. Меліся рубрыкі «Культурныя навіны», «Кнігапіс».
У ім друкаваліся вершы і паэмы Максіма Багдановіча, Міхася Васілька, Натальлі Арсеньневай, Аўгена Бартуля, Піліпа Пестрака (пад крыптанімам «Зьвястун»), Віктара Вальтара, Францішка Грышкевіча, Уладзіслава Грыневіча, Хведара Ільяшэвіча, Пётры Браславіча, Я. Букі, Аўгена Каршунянка; апавяданьні А. Мацейчыка, Палачанкі, пераклады з Уладзіслава Сыракомлі, Альфонса Дадэ.
Літаратуразнаўчыя працы: Вайцяховіча, І.-П., Антона Луцкевіча (пад крыптанімам «Антон Навіна»), ў тым ліку пра Максіма Багдановіча й Ядвігіна Ш., Ігната Дварчаніна пра Максіма Багдановіча й новыя зьвесткі пра жыцьцё Францішка Скарыны, Міколы Ільяшэвіча пра творчасьць Вінцэнта Дунін-Марцінкевіча, М. Чэмера пра творчасьць Натальлі Арсеньневай.
Пра беларускую народную эстэтыку пісаў Рамуальд Зямкевіч (пад крыптанімам «Раман Суніца»), пра зямельныя адносіны на Беларусі ў канцы 19 стагодзьдзя Адольфа Зянюка, артыкул (начырк) Аляксандра Савіча пра беларускія школы XVI—XVIII ст. у Вільні.
З нарысамі на пэдагагічныя тэмы выступаў Сяргей Паўловіч (пад крыптанімам «С. П.»), Пётар Сяўрук (пад крыптанімам «Плебей») «Аб культурнай працы», пра акадэмічную канфэрэнцыю па рэформе беларускага правапісу і азбукі ў Менску Ян Станкевіч, М. Станкевічыхі пра школы ў Злучаных Гаспадарствах Паўночнай Амэрыкі.
Пра навучаньне беларусаў і літоўцаў ва ўнівэрсытэтах сярэдневяковай Нямеччыны пісаў Д. Масальскі, артыкулы пра выдатных вучоных сьвету, матэрыялы з гісторыі асьветы, аб мове выкладаньня ў Віленскай духоўнай семінарыі.
Часопіс друкаваў беларускія народныя песьні ў нотным запісе Вячаслава Багдановіча, Альбіна Стаповіча, Т. Трызны.
У асобным разьдзеле асьвятляў працу гурткоў Таварыства беларускай школы.
|
|
This article uses material from the Wikipedia Беларуская (тарашкевіца) article Родныя гоні (1927), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.