Ратуша

Першыя ратушы ў Заходняй Эўропе зьявіліся ў XII ст. Пабудовы мелі элемэнты фартыфікацыйнага і грамадзянскага дойлідзтва. Узводзілі 2-павярховыя ратушы з бальконам ці эркэрам. Будаўніцтва ратушаў пашырана ў XIX і асабліва ў XX ст., калі ратуша арганічна ўваходзіць у гістарычныя цэнтры мескага асяродзьдзя.

На Беларусі ратушы пачалі будаваць з XIV ст. Узводзілі ў гарадах на рынкавых пляцох, часам аб’ядноўвалі з гандлёвымі, гасьцінымі радамі, арсэналамі, важніцамі. Будавалі з дрэва, цэглы, у тэхніцы «прускага муру». Будынкі ратушаў мелі звычайна простыя і манумэнтальныя формы. У XVII—XVIII стагодзьдзях пераважаў барочны тып: ратуша з шмат’яруснай вежай, завершанай разнастайнымі купалкамі ці шпілем, існавалі і бязьвежавыя. Манумэнтальнасьцю і цэльнасьцю вылучаліся ратушы стылю клясыцызму, у якіх кампазыцыйным акцэнтам фасадаў быў портык. Існавалі ратушы з рысамі несапраўднай готыкі. Галоўным памяшканьнем ратушы была парадная зала (на 2-м паверсе) для ўрачыстых актаў, пасяджэньняў магістрату, тэатральных паказаў і інш. Частка памяшканьняў ратушы (падмуркі, першыя паверхі) адводзілася пад крамы, склады і інш.

• Астровенская ратуша
• Аўгустоўская ратуша
• Аршанская ратуша
• Беластоцкая ратуша
• Бельская ратуша
• Берасьцейская ратуша
• Віленская ратуша
• Віцебская ратуша
• Воўчынская ратуша
• Вялікабераставіцкая ратуша
• Вяліская ратуша
• Гарадзенская ратуша
• Гомельская ратуша
• Карэліцкая ратуша
• Лідзкая ратуша
• Магілёўская ратуша
• Мазырская ратуша
• Менская ратуша
• Мерацкая ратуша
• Мірская ратуша
• Наваградзкая ратуша
• Нясьвіская ратуша
• Пінская ратуша
• Полацкая ратуша
• Ружанская ратуша
• Слонімская ратуша
• Слуцкая ратуша
• Смаленская ратуша
• Смалянская ратуша
• Сувальская ратуша
• Супрасьлеўская ратуша
• Сямяціцкая ратуша
• Чачэрская ратуша
• Чавуская ратуша
• Шклоўская ратуша
• Эйшышкаўская ратуша

• Ратушы Беларусі