Расе́йская вызвале́нчая а́рмія (РВА; рас.
Русская освободительная армия, РОА) — узброеныя сілы Камітэту вызваленьня народаў Расеі (КВНР), якія ваявалі на баку Трэцяга Райху супраць СССР, а таксама сукупнасьць бальшыні расейскіх антысавецкіх частак і падразьдзяленьняў з расейскіх калябарацыяністаў у складзе Вэрмахту ў 1943—1944 гадох, якія пераважна выкарыстоўваліся на ўзроўні асобных батальёнаў і ротаў, і частак сфармаваных рознымі нямецкімі ваеннымі структурамі (штабам Войскаў СС і г.д.) у час Нямецка-савецкае вайны. Неафіцыйна РВА і яе сяброў звалі «уласаўцамі» (рас. власовцы), паводле прозьвішча іх кіраўніка, генэрал-лейтэнанта Андрэя Ўласава.
Расейская вызваленчая армія | |
Русская освободительная армия | |
Гады існаваньня | 27 сьнежня 1942 — 12 траўня 1945 |
---|---|
Падпарадкаваньне | (1942—1944) КВНР (1944—1945) |
Уключае ў сябе | Пяхота, кавалерыя, ваенна-паветраныя сілы, дапаможныя часткі |
Функцыя | Вядзеньне баявых дзеяньняў супраць савецкіх войскаў |
Колькасьць | 50 000 (сакавік 1945) 120 000 — 130 000 (красавік 1945) |
Мянушка | «Уласаўцы» |
Марш | «Мы ідзём шырокімі палямі» |
Узбраеньне | Нямецкая і трафейная савецкая зброя |
Войны | Другая сусьветная вайна Нямецка-савецкая вайна |
Вядомыя камандзіры | Андрэй Уласаў, Сяргей Бунячанка, Рыгор Зьвераў, Віктар Мальцаў |
Знакі адрозьненьня Расейскай вызваленчай арміі (нарукаўны знак) у розныя пэрыяды часу насілі каля 800 тысячаў чалавек, але толькі траціна гэтае лічбы, як прызнавалася кіраўніцтвам РВА, рэальна належылі да іх руху. Да 1944 году РВА не існавала ў якасьці пэўнага вайсковага фармаваньня, яна галоўным чынам выкарыстоўвалася ўладамі Трэцяга Райху дзеля прапаганды і прыцягненьня добраахвотнікаў на службу. Сярод іншага, у чэрвені 1944 году з дазволу нямецкіх уладаў на будынку аддзелу Нацыянал-сацыялістычнай працоўнай партыі Расеі (рас. Национал-социалистическая трудовая партия России) у Менску, дзе адбыўся зьезд калябарацыйнага Саюзу расейскай моладзі (рас. Союз русской молодежи), узьнялі сьцяг Расеі, каб выказаць сваю салідарнасьць з салдатамі і афіцэрамі РВА (рас. чтобы выразить свою солидарность с солдатами и офицерами РОА).
23 лістапада 1944 году сфармавалася 1-я дывізія РВА, крыху пазьней былі створаныя іншыя злучэньні, а на пачатку 1945 году ў склад РВА ўлучылі іншыя калябарацыянісцкія фармаваньні (у тым ліку й беларускія). Армія фармавалася гэтак жа як і, напрыклад, Паўночнакаўкаскі батальён спэцыяльнага прызначэньня «Бэргман», Грузінскі легіён вэрмахту, — галоўным чынам, з савецкіх ваеннапалонных або зь ліку эмігрантаў.
Гэта — накід артыкула па гісторыі Расеі. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Расейская вызваленчая армія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.