Пётар Клімук: савецкі касманаўт
Пётар Ільлі́ч Кліму́к (нар.
1942, Камароўка, Берасьцейскі раён, цяпер Беларусь) — савецкі касманаўт-беларус, двойчы Герой Савецкага Саюзу, генэрал-палкоўнік авіяцыі.
| Пётар Клімук | ||||||||||
 Пётар Клімук | ||||||||||
| Імя ў арыгінале | Пётар Ільліч Клімук | |||||||||
|---|---|---|---|---|---|---|---|---|---|---|
| Нарадзіўся | 10 ліпеня 1942 (81 год) Камароўка, Берасьцейскі раён, Беларуская ССР, СССР | |||||||||
| Узнагароды |
| |||||||||
| Пётар Клімук у Вікісховішчы | ||||||||||
Біяграфія
Нарадзіўся ў вёсцы Камароўка (цяпер Берасьцейскі раён, Беларусь). Бацька ў 1944-м загінуў на фронце. Клімук навучаўся ў Вышэйшай школе авіяцыі Ленінскага камсамолу ў Чарнігаве і ўступіў у Савецкія паветраныя сілы ў 1964 годзе. Наступным годам ён быў адабраны для ўдзелу ў касьмічнай праграме.
Ягоным першым палётам стаўся палёт на «Саюзе-13» 18—26 сьнежня 1973 году. Затым была місія на касьмічную станцыю «Салют-4» на «Саюзе-18» у 1975 годзе.
З 1976 году яго ўключаюць у праграму міжнародных касьмічных палётаў, і яго трэці і апошні вылет у касьмічную прастору адбыўся ўлетку 1978-га разам з польскім касманаўтам Міраславам Гермашэўскім на «Саюзе-30».
Клімук адзначаны наступнымі ўзнагародамі: Герой Савецкага Саюзу (двойчы), Ордэн Леніна (тройчы), польскі Ордэн Грунвальдзкага Крыжа, Залаты мэдаль імя Цыялкоўскага, Залаты мэдаль імя Гагарына, а таксама Залаты мэдаль ад Польскай акадэміі навук. Ён зьяўляецца ганаровым грамадзянінам такіх гарадоў як Калуга, Гагарын, і Джэзкаган.
Пётар Клімук — аўтар двух кніг пра палёты ў космас: «За зорамі» і «Атака на бязважкасьць».
- Дэпутат Вярхоўнага Савету СССР 10-га скліканьня
- Народны дэпутат СССР (1989—1991)
- Ляўрэат Дзяржаўных прэміяў СССР (1978, 1981)
- Узнагароджаны Ганаровай граматай Нацыянальнага сходу Рэспублікі Беларусь (2002)
Сям’я
- Жонка — Лілія Ўладзімераўна Клімук.
- Сын — Міхаіл Пятровіч Клімук, вайсковы аташэ амбасады Расеі.
Крыніцы
This article uses material from the Wikipedia Беларуская (тарашкевіца) article Пётар Клімук, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.