Смаленская Вобласьць Парэцкі Раён

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Парэцкі раён, Дзямідаўскі раён.

Адміністрацыйны цэнтар — места Парэчча.

Парэцкі раён
Демидовский район
Герб
Агульныя зьвесткі
Краіна	Расея
Статус	раён
Уваходзіць у	Смаленскую вобласьць
Адміністрацыйны цэнтар	Парэчча
Дата ўтварэньня	1929
Насельніцтва (2007)	16 776
Плошча	2512,16 км²
Месцазнаходжаньне Парэцкага раёну
Мэдыя-зьвесткі
Часавы пас	UTC +3
Тэлефонны код	+7 48147
Код аўтам. нумароў	67
Афіцыйны сайт
Дадатковыя мультымэдыйныя матэрыялы

Плошча раёну — 2512,16 км².

Тэрытарыяльна раён мяжуе: на поўначы зь Цьвярской вобласьцю, на паўночным захадзе зь Вяліскім раёнам, на паўднёвым захадзе і захадзе з Руднянскім раёнам, на поўдні са Смаленскім раёнам, на ўсходзе з Духаўшчынскім раёнамі Смаленскай вобласьці.

У паўднёва-ўсходняй частцы раёну знаходзіцца ўскраіна Духаўшчынскага ўзвышша. У паўночна-ўсходняй частцы Ельшанска-Сьвіцкая нізіна. Па тэрыторыі раёну цячэ некалькі рэчак: Каспля, Вятша, Палоўя, Баражанка, Ельша. Азёры: Сапша, Дго, Бакланаўскае, Рытае, Ласосна, Чысьцік, Лашам’е, Мутнае, Дзівінскае, Акатпўскае, Шчупаковае. Глебы ў раёне пяскова-суглінкавыя дзярнова-слаба- і сярэднепадзолістыя, у паніжэньнях тло складаюць паўбалатовыя дзярнова-падзоліста-глеевыя, тарфяна-падзоліста-глеевыя і тарфяныя. Лясы займаюць 58,4 % тэрыторыі.

На тэрыторыі раёну знаходзіцца частка нацыянальнага парку Смаленскае паазер’е, з унікальнымі азёрамі і карэннымі лясамі.

Ад пачатку тады яшчэ Парэцкі павет быў створаны ў 1775 годзе. У 1918 годзе павет, у зьвязку зь перайменаваньнем места Парэчча ў Дзямідаў, пачаў звацца Дзямідаўскім. Канчаткова раён утвораны ў 1929 годзе з былых Парэцкага і часткі Духаўшчынскага паветаў Смаленскай губэрні.

Колькасьць насельніцтва на 2005 год — 16 776 чалавек.

У раёне маецца 2 мескія і 15 сельскіх паселішчаў:

Мескія паселішчы

• Парэцкае мескае паселішча
• Слабадзкое мескае паселішча

Сельскія паселішчы

• Бакланаўскае сельскае паселішча
• Барадзінскае сельскае паселішча
• Баркоўскае сельскае паселішча
• Вераб’ёўскае сельскае паселішча
• Дуброўскае сельскае паселішча
• Жычыцкае сельскае паселішча
• Забор’еўскае сельскае паселішча
• Закруцкае сельскае паселішча
• Закусьцішанскае сельскае паселішча
• Карцаўскае сельскае паселішча
• Перасудзкае сельскае паселішча
• Палуянаўскае сельскае паселішча
• Слабадзкое сельскае паселішча
• Цітаўшчынскае сельскае паселішча
• Шапаўскае сельскае паселішча

Аўтадарога Р133 Смаленск — Невель.

• Царква Ўшэсьця Гасподняга ў мяст. Пржавальскае (колішняя Слабада).

  Парэцкі раён (Смаленская вобласьць) — сховішча мультымэдыйных матэрыялаў

• Дзямідаўскі раён на Radzima.org