Панямоньне — гісторыка-этнаґрафічны рэґіён Беларусі, які займае тэрыторыю Гарадзенскае і сумежных часткаў Берасьцейскае й Менскае вобласьцяў.
На поўдні мяжуе з Заходнім Палесьсем (па вярхоўях рэчкаў Нараў і Ясельда да м. Бяроза і Івацэвічы), на ўсходзе і паўночным усходзе — адпаведна цэнтральнай Беларусьсю і Паазер’ем (на захад ад м. Баранавічы па Налібоцкай пушчы, да м. Маладэчна, Мядзел, Паставы).
Насельніцтва этнаґенетычна склалася на славянскай аснове з удзелам асіміляваных літвінаў (старажытнай літвы і аўкштайтаў), ятвягаў, прусаў, татараў. У сярэднія вякі рэґіён быў вядомы пад назвай Літва, побач зь якой ужывалася і назва Чорная Русь, што, на думку некаторых аўтараў (М. К. Любанскі, П. Д. Бранцаў, У. І. Пічэта). уяўляла сабой першапачаткова славянскі масіў на землях балцкіх плямёнаў. Напрыканцы X — 1-й палове XI стагодзьдзя далучаная да Кіеўскае Русі. У XII — 1-й палове XIII стагодзьдзя знаходзілася ў сфэры ўплыву Галіцка-Валынскага і Полацкага княстваў. У XIII стагодзьдзі рэґіён апынуўся ў цэнтры важных падзеяў, якія зрабілі непасрэдны ўплыў на ўтварэньне ВКЛ. Яго першаю сталіцаю быў Новагародак (Наваградак), дзе ў 1253 годзе каранаваўся вялікі князь Міндоўг.
This article uses material from the Wikipedia Беларуская (тарашкевіца) article Панямоньне, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.