Помнік грамадзянскай архітэктуры | |
Палац Сапегаў | |
Палац Сапегаў. М. Філіповіч, 1920-я гг. | |
Краіна | Беларусь |
Места | Менск |
Каардынаты | 53°54′09.6″ пн. ш. 27°33′39.2″ у. д. / 53.902667° пн. ш. 27.560889° у. д. 27°33′39.2″ у. д. / 53.902667° пн. ш. 27.560889° у. д. |
Дата заснаваньня | XVII ст. |
Стан | не захаваўся |
Палац Сапегаў |
Палац Сапегаў — помнік архітэктуры XVII ст. у Менску. Знаходзіўся на Юраўскай вуліцы, вакол будынка месьціўся выдатны сад. Доўгі час лічыўся адным з найлепшых дамоў места. Існаваў да Другой сусьветнай вайны.
Палац збудавалі, відаць, у XVII ст. У Вялікую Паўночную вайну (1700—1721) з 15 лютага да 13 сакавіка 1706 году ў ім спыняўся маскоўскі гаспадар Пётар I. Уласьнік палаца Ўладзіслаў Язафат Сапега (1652—1733) у той час быў ваяводам менскім.
Па Сапегах сад з палацам, напэўна, перайшоў да Галаўнёў.
У пачатку XX ст. пра палац ужо існавалі шматлікія паданьні, пра што апавядаў часопіс «Минская старина»:
Паданьні і народныя пагалоскі паказваюць нават на дамок, у якім спыняўся ў Менску цар Пётар I. Гэты мураваны 2-павярховы на два вакны ў шырыню і пяць вокнаў у даўжыню дом на Юраўскай вуліцы, у двары… | ||
На 1912 год палац разьмяшчаўся ў двары дома, дзе месьціўся рэстаран Акварыюм (вуліца Юраўская, 13). Ад колішняга саду да таго часу засталося толькі дзьве грушы. На 1918 год лічыўся адным з найстарэйшых будынкаў места.
У 1918 годзе палац замаляваў Караль Біске, у 1920-я гады — Міхась Філіповіч.
Будынак пацярпеў ад пажару ў пачатку Другой сусьветнай вайны, па якой яго рэшткі зьнішчылі.
Гэта быў мураваны 2-павярховы будынак. Да яго прыбудавалі тамбур, які завяршаўся трыкутным франтонам. У цэнтры фасаду — лесьвічны вузел, з абодвух бакоў якога разьмяшчаліся жылыя памяшканьні.
У XIX ст. зьявілася яшчэ адна прыбудова.
This article uses material from the Wikipedia Беларуская (тарашкевіца) article Палац Сапегаў (Менск), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.