Паблё Мартын Паэс Гавіра: гішпанскі футбаліст
Па́блё Марты́н Па́эс Гаві́ра (па-гішпанску: Pablo Martín Páez Gavira; нар.
5 жніўня 2004 году), больш вядомы як Га́ві (гішп. Gavi) — гішпанскі футбаліст, цэнтральны паўабаронца «Барсэлёны» і нацыянальнай зборнай Гішпаніі. Дзякуючы здольнасьцям гульца часьцяком параўноваюць з Чаві і Андрэсам Іньестам.
| Гаві | ||
.jpg) | ||
| Пэрсанальная інфармацыя | ||
|---|---|---|
| Нарадзіўся | 5 жніўня 2004 (19 гадоў)
| |
| Рост | 173 см | |
| Пазыцыя | паўабаронца | |
| Клюбная інфармацыя | ||
| Клюб | Барсэлёна | |
| Нумар | 6 | |
| Клюбы | ||
| Гады | Клюб | Гульні (галы)¹ |
| 2021— | Барсэлёна | 82 (5) |
| Зборныя | ||
| 2021— | Гішпанія | 27 (5) |
| ¹ Колькасьць гульняў і галоў за прафэсійны клюб лічыцца толькі | ||
Кар’ера
Клюбная
Пачаў займацца футболам у роднай Андалюзіі, дзе, у тым ліку, праходзіў навучаньня ў сэвільскім «Бэтысе». У веку 11 гадоў далучыўся да акадэміі «Барсэлёны». У верасьні 2020 году склаў свой першы прафэсійны кантракт, пасьля чаго быў прасунуты ў другую дружыну клюбу. Дзякуючы шыкоўным выступам у складзе «Барсэлёны Б», Гаві быў запрошаны да трэнаваньняў з асноўнай камандай перад пачаткам сэзону 2021—2022 гадоў. У хуткасьці паўабаронца зарэкамэндаваў сябе і 29 жніўня 2021 году дэбютаваў у кашулі «Барсэлёны» ў матчы Ля-Лігі супраць «Хэтафэ», замяніўшы на 73-й хвіліне гульні Сэржы Рабэрта. 18 сьнежня 2021 году гулец адзначыўся першым голам у складзе «сіне-гранатавых», пацэліўшы матч у браму «Эльчэ». У дэбютны сэзон Гаві стаў трывалым гульцом асноўнага складу. У чэрвені 2023 году маладзён падоўжыў працоўную ўгоду да чэрвеня 2026 году[30].
Міжнародная
Гулец прайшоў праз шэраг юнацкіх зборных краіны, але яшчэ ў верасьні 2021 году быў выкліканы Люісам Энрыке да нацыянальнай зборнай Гішпаніі. Дэбют Гаві прыпаў на паўфінальны матч Лігі нацыяў УЭФА супраць зборнай Італіі ў кастрычніку 2021 году, дзякуючы чаму паўабаронца стаў наймаладзейшым футбалістам зборнай у гісторыі. У 2022 годзе быў уключаны ў заяўку зборнай на чэмпіянат сьвету ў Катары, дзе зьявіўся на полі ва ўсіх чатырох матчах каманды.
Дасягненьні
«Барсэлёна»:
- Чэмпіён Гішпаніі: 2023
- Уладальнік Супэркубка Гішпаніі: 2023
Гішпанія:
- Пераможца Лігі нацыяў: 2023
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Паблё Мартын Паэс Гавіра, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.