Міністэрства Энэргетыкі Рэспублікі Беларусь

Міністар энэргетыкі прызначаецца й здымаецца з пасады прэзыдэнтам. З 31 жніўня 2018 году пасаду міністра займае Віктар Каранкевіч.

Міністэрства энэргетыкі Рэспублікі Беларусь
Абрэвіятура	Мінэнэрга РБ
Папярэднік	Дзяржаўны камітэт па паліву і газіфікацыі
Дата ўтварэньня	25 верасьня 1992 (31 год таму)
Штаб-кватэра	Менск, вул. К. Маркса, д. 14
Міністар	Віктар Каранкевіч
Намесьнікі	Міхаіл Міхадзюк, Вадзім Закрэўскі, Вольга Пруднікава, Сяргей Рэянтовіч
Зьвязаныя кампаніі	«Белдзіпрагаз», «Белэнэргасеткапраект»
Бюджэт	1812 млрд рублёў (2009 год; 646 млн $)
Сайт	minenergo.gov.by
Колішняя назва	Міністэрства паліва і энэргетыкі (1994—2001)

• Цэнтральны апарат;
• Аб’яднаньні «Белпалівагаз», «Белэнэрга»;
• Прадпрыемствы «БелНДПІэнэргапрам», «Белдзіпрагаз», «БЕЛЦЭІ», «Белэнэргасеткапраект», «Энэргетычная стратэгія», «БелНДІпалівапраект»;
• Дырэкцыя будаўніцтва атамнай электрастанцыі.

• парадкаваньне энэрга- й газазабесьпячэньня;
• стварэньне ўмоваў для вытворчасьці й бясьпечнага выкарыстаньня падпарадкаванымі ўстановамі электрычнай і цеплавой энэргіі, прыроднага і звадкаванага газу, цьвёрдых відаў паліва;
• забесьпячэньне энэргетычнай, ядзернай і радыяцыйнай бясьпекі;
• падрыхтоўка прапановаў аб парадкаваньні энэргетыкі супольна зь ведамствамі, падпарадкаванымі ўстановамі й выканаўчымі камітэтамі вобласьцяў ды Менску;
• спрыяньне выкананьню плацежных разьлікаў за паліва ды энэргію.

• ухваленьне пастановаў аб стварэньні, пераўтварэньні ды касаваньні ўстановаў;
• заключэньне міжведамасных міжнародных дамоваў;
• атрыманьне зьвестак з установаў Статыстычнага камітэту;
• запыт зьвестак ва ўстановах;
• стварэньне нарадаў адмыслоўцаў.

Пастановаю ад 25 верасьня 1992 г. №594 урад утварыў замест Дзяржаўнага камітэту па паліву і газіфікацыі Міністэрства энэргетыкі. Паводле Пастановы ад 12 траўня 1994 году № 330 адбылося яго перайменаваньне ў Міністэрства паліва і энэргетыкі. Пастановаю ад 31 кастрычніка 2001 г. № 1595 урад ухваліў новую ўставу для перайменаванага назад міністэрства.

• Міністэрства энэргетыкі Беларусі(недаступная спасылка)