Міністэ́рства заме́жных спра́ваў Рэспу́блікі Белару́сь (МЗС Беларусі) — міністэрства ўраду Беларусі, упаўнаважанае ажыцьцяўляць ды ўзгадняць вонкавыя сувязі дзяржавы.
Міністар замежных справаў прызначаецца й здымаецца з пасады прэзыдэнтам ды ўваходзіць у склад прэзыдыюму ўраду. З 13 сьнежня 2022 году пасаду міністра займае Сяргей Алейнік.
Міністэрства замежных справаў Рэспублікі Беларусь | |
Будынак міністэрства | |
Абрэвіятура | МЗС РБ |
---|---|
Дата ўтварэньня | 25 жніўня 1991 (32 гады таму) |
Мэта | Рэгуляваньне зьнешняй палітыкі Рэспублікі Беларусь |
Штаб-кватэра | Менск, вул. Леніна, д. 19 |
Афіцыйныя мовы | беларуская, расейская |
Міністар | Сяргей Алейнік |
Першы намесьнік | пасада вакантная |
Намесьнікі | Яўген Шастакоў, Мікалай Барысевіч |
Бюджэт | 177,4 млрд рублёў (2009; 63,3 млн $) |
Сайт | mfa.gov.by |
Пасьля здабыцьця Беларусьсю незалежнасьці 25 жніўня 1991 году МЗС больш як тры гады працягвала кіравацца Пастановаю Рады міністраў БССР ад 25 кастрычніка 1988 г. № 302. 30 чэрвеня 1995 году ўрад ухваліў Пастанову № 343 аб новай уставе МЗС, паводле якой прэзыдэнт упаўнаважваўся прызначаць ды здымаць з пасады міністра замежных справаў пры згодзе Вярхоўнага Савету. Рада міністраў скасавала гэтую ўставу Пастановай ад 4 лютага 1999 году № 189. Паводле дзейнай Пастановы Рады міністраў ад 31 ліпеня 2006 г. № 978 міністар прызначаецца й звальняецца прэзыдэнтам адзінаасобна.
Міністар наймае дыпляматаў зь ліку грамадзянаў, якія:
Ня менш як праз год працы дыплямат дапускаецца да прызначэньня ў дыпляматычнае прадстаўніцтва пры наяўнасьці двухгадовага стажу кіроўцы. Працягласьць працы ў прадстаўніцтве на пасадзе да першага сакратара або консула ўлучна складае да 3 гадоў, на пасадзе дарадцы, старшага дарадцы ды дарадцы-пасланьніка — да 4 гадоў, а надзвычайнага і паўнамоцнага амбасадара, сталага прадстаўніка пры міжнароднай арганізацыі ды генэральнага консула — да 5 гадоў. Надзвычайныя і паўнамоцныя амбасадары й сталыя прадстаўнікі пры міжнародных арганізацыях прызначаюцца й здымаюцца з пасадаў прэзыдэнтам, а намесьнікі міністра, кіраўнік дэпартамэнта вонкаваэканамічнай дзейнасьці, пасланьнікі, павераныя ў справах, дарадцы-пасланьнікі ды генэральныя консулы — Радаю міністраў.
This article uses material from the Wikipedia Беларуская (тарашкевіца) article Міністэрства замежных справаў Рэспублікі Беларусь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.