Мікола Фёдаравіч Садковіч (21 студзеня 1907, в.
Вусьце, Аршанскі раён, Віцебская вобласьць — 16 жніўня 1968, Масква) — беларускі савецкі празаік, кінарэжысэр і кінадраматург. Заслужаны дзяяч мастацтваў БССР (1944). Ляўрэат Дзяржаўнай прэміі СССР (1950).
Мікола Садковіч | |
Асабістыя зьвесткі | |
---|---|
Нарадзіўся | 21 студзеня 1907 в. Вусьце, Аршанскі раён, Віцебская вобласьць |
Памёр | 16 жніўня 1968 Масква |
Пахаваны | |
Літаратурная дзейнасьць | |
Род дзейнасьці | празаік, кінарэжысэр і кінадраматург |
Кірунак | сацыялістычны рэалізм |
Мовы | расейская, беларуская |
Прэміі | |
Узнагароды |
Нарадзіўся ў сялянскай сям’і. Да 1924 жыў разам з бацькамі, працаваў на гаспадарцы. Вучыўся спачатку ў прыходзкай школе, потым у Аршанскім пэдагагічным тэхнікуме. Быў юнкорам газэты «Чырвоная зьмена». У 1924 накіраваны на вучобу ў Маскву, дзе ён скончыў Дзяржаўны тэхнікум кінэматаграфіі (1928), аддзяленьне кінарэжысуры. Працаваў рэжысэрам на Маскоўскай (1928—1933), Адэскай (1933—1936) кінафабрыках, Кіеўскай кінастудыі «Украінфільм» (1936—1941), Ташкенцкай кінастудыі (1941—1942).
У 1942—1945 — кіраўнік Беларускай кінагрупы на Цэнтральнай студыі дакумэнтальных фільмаў у Маскве. З кінагрупай выяжджаў у штаб партызанскага руху на гомельшчыну (1942—1945), а таксама ў Нямеччыну (1945). У 1946 рэжысэр на кінастудыі «Саюздетфильм» у Маскве, галоўны рэдактар і рэжысэр на Цэнтральнай студыі дакумэнтальных фільмаў (1948—1950). Кандыдат у сябры ЦК КПБ (1952—1954). Быў міністрам кінэматаграфіі БССР (1946—1947, 1950), намесьнікам міністра культуры БССР (1953—1956). Дэпутат Вярхоўнага Савету БССР (1947—1959).
Друкавацца пачаў у 1948. Пісаў апавяданьні, нарысы. У беларускім друку выступіў у 1948. Пісаў на расейскай мове. Аўтар гістарычнага рамана «Георгій Скарына» (сумесна з Я. Львовым, 1951, папраўленае і дапоўненае ў 1957), «Аповесьць аб ясным Стахоры», апавяданьня «Чалавек у тумане», рамана «Мадам Любоў». Распрацоўваў гістарычную (аповесьць «Фрэскі»), ваенную тэматыку, закранаў праблемы рэчаіснасьці 1950—1960 гадоў. Яго творам уласьцівы дынамізм сюжэта, арыгінальнасьць кампазыцыі і калярытнасьць пэрсанажаў.
Ляўрэат Дзяржаўнай прэміі СССР (1951) за дакумэнтальны фільм «Дэмакратычная Германія».
This article uses material from the Wikipedia Беларуская (тарашкевіца) article Мікола Садковіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.