Матэвуш Якуб Маравецкі (па-польску: Mateusz Jakub Morawiecki; нарадзіўся 20 чэрвеня 1968 году, Уроцлаў) — польскі дзяржаўны дзеяч, віцэ-прэм’ер ураду, міністар разьвіцьця і фінансаў.
Прэм’ер-міністар Польшчы з 11 сьнежня 2017 году да 13 сьнежня 2023 году.
Матэвуш Маравецкі | ||||
Матэвуш Маравецкі ў 2016 | ||||
Прэм’ер-міністар Польшчы | ||||
---|---|---|---|---|
11 сьнежня 2017 — 13 сьнежня 2023 | ||||
Прэзыдэнт: | Анджэй Дуда | |||
Папярэднік: | Бэата Шыдла | |||
Наступнік: | Дональд Туск | |||
Асабістыя зьвесткі | ||||
Нарадзіўся: | 20 чэрвеня 1968 (55 гадоў) Уроцлаў, Польшча | |||
Партыя: | Права і справядлівасьць | |||
Сужэнец: | Івона Маравецкая[d] | |||
Дзеці: | Аляксандра Маравецкая[d], Іерамія Маравецкі[d], Магдалена Маравецкая[d] і Ігнацы Маравецкі[d] | |||
Бацька: | Корнэль Маравецкі[d] | |||
Адукацыя: | ||||
Узнагароды: | | |||
Сын лідэра «Салідарнасьці» Карнэля Маравецкага.
Скончыў гістарычны факультэт Уроцлаўскага ўнівэрсытэту (1992). Вывучаў бізнэс-адміністраваньне ва Ўроцлаўскім політэхнічным інстытуце (1993) і адначасова ва Ўнівэрсытэце Цэнтральнага Канэктыкуту. Атрымаў дыплём MBA ў Эканамічнай акадэміі ва Ўроцлаве (1995). У 1995—1997 гадах вывучаў права і пытаньні эканамічнай інтэграцыі ў Гамбурскім унівэрсытэце. Прайшоў курс у школе мэнэджмэнту імя Келага ў Паўночна-заходнім унівэрсытэце ў ЗША.
У 1996—2004 гадах выкладаў ва Ўроцлаўскай эканамічнай акадэміі, у 1996—1998 гадах ва Ўроцлаўскім політэхнічным інстытуце.
З 1998 году займаў пасады ў кіраўніцтве банка BZ WBK, у 2007—2015 гадах быў яго прэзыдэнтам.
У 1998—2002 гадах — дэпутат рэгіянальнай рады Ніжнесылескага ваяводзтва ад Выбарчай акцыі Салідарнасьці.
У 2015 годзе прызначаны віцэ-прэм’ерам і міністрам разьвіцьця ва ўрадзе Бэаты Шыдла. У сакавіка 2016 году ўступіў у партыю «Права і справядлівасьць», да гэтага быў беспартыйным чальцом ураду. Зь верасьня 2016 году — міністар разьвіцьця і фінансаў.
Пасьля адстаўкі Шыдла з пасады прэм’ер-міністра 7 сьнежня 2017 году, вылучаны партыяй «Права і справядлівасьць» на пасаду кіраўніка ўрада Польшчы.
This article uses material from the Wikipedia Беларуская (тарашкевіца) article Матэвуш Маравецкі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.