Ма́рыё Дра́гі (па-італьянску: Mario Draghi; нарадзіўся 3 верасьня 1947 году) — італьянскі палітык, эканаміст, банкір, былы прафэсар і дзяржаўны службоўца, які займае пасаду прэм’ер-міністра Італіі з 2021 году.
Да прызначэньня прэм’ер-міністрам займаў пасаду прэзыдэнта Эўрапейскага цэнтральнага банка з 2011 па 2019 гады. Драгі таксама быў старшынём Рады па фінансавай стабільнасьці з 2009 па 2011 гады і кіраўніком Банка Італіі з 2006 па 2011 гады.
Марыё Драгі | |
16 студзеня 2006 — 31 кастрычніка 2011 | |
Папярэднік | Антоніё Фацыё[d] |
Наступнік | Іньяца Віска[d] |
1 лістапада 2011 — 31 кастрычніка 2019 | |
Папярэднік | Жан-Клёд Трышэ[d] |
Наступнік | Крыстын Лягард |
13 лютага 2021 — 22 кастрычніка 2022 | |
Асабістыя зьвесткі | |
Нарадзіўся: | 3 верасьня 1947[…] (76 гадоў) |
Партыя: | |
Дзеці: | Фэдэрыка Драгі[d] і Джакама Драгі[d] |
Адукацыя: | |
Узнагароды: | |
Пасьля працяглай кар’еры акадэмічнага эканаміста ў Італіі Драгі працаваў у Сусьветным банку ў Вашынгтоне ў 1980-я гады. У 1991 годзе Драгі вярнуўся ў Рым, дзе заняў пасаду генэральнага дырэктара італьянскай скарбніцы. Гэтую пасаду эканаміст займаў дзесяць гадоў, пасьля чаго далучыцца да Голдман Сакс, дзе працаваў ажно да свайго прызначэньня кіраўніком Банка Італіі ў 2006 годзе. Менавіта ў гэты час на долю Драгі прыпала фінансавая крыза 2008 году. У 2011 годзе Драгі ачоліў Эўрапейскі цэнтральны банк. Ён кіраваў гэтай установай падчас крызы ў эўразоне, праславіўшыся на ўсю Эўропу тым, што сказаў, што будзе гатовы зрабіць усё, што трэба, каб прадухіліць крах эўра. У 2014 годзе Драгі ўвайшоў у сьпіс часопіса Forbes як восьмы паводле ўплыву чалавек у сьвеце. У 2015 годзе часопіс Fortune назваў яго другім найвыбітным лідэрам у сьвеце. У 2021 годзе выданьне Politico Europe абрала яго самым выбітнай асобай Эўропы. У 2019 годзе Пол Кругман нарок яго найвялікшым банкірам сучаснасьці. Больш за тое, дзякуючы ягонай грашова-крэдытнай палітыцы, Драгі шырока лічыцца выратавальнікам эўра падчас эўрапейскай пазыковай крызы. Такая слава прывяла да таго, што Драгі часам пачалі клічыць Супэр Марыё.
Па сканчэньні сваіх паўнамоцтваў у структурах Эўразьвязу, Драгі ўзяў на некаторы час адпачынак. 3 лютага 2021 году прэзыдэнт Італіі Сэрджа Матарэльля запрасіў Драгі сфармаваць урад нацыянальнага адзінства пасьля адстаўкі Джузэпэ Контэ. Пасьля пасьпяховых перамоваў з партыямі, з такімі, як то Ліга Поўначы, Рух пяці зорак, Дэмакратычную партыю і Форца Італія, 11 лютага Драгі прынёс прысягу ў якасьці прэм’ер-міністра, паабяцаўшы сачыць за эфэктыўнай рэалізацыяй эканамічных стымулаў па эпідэміі каранавірусу.
This article uses material from the Wikipedia Беларуская (тарашкевіца) article Марыё Драгі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.