Баранавічы, 2020 Марш За Свабоду: пратэсты ў Баранавічах

Абвесткі пра збор людзей зьявіліся ў гарадзкіх тэлеграм-каналах напярэдадні. Месца збору ў іх розьнілася. Нехта прапаноўваў сабрацца каля Лядовага палаца, а 13:00, нехта — а 14 гадзіне каля гарвыканкаму.

Некалькі тысячаў чалавек сабраліся а 13-й гадзіне каля Лядовага палацу, на праспэкце Савецкім. Калёна рушыла па ходніках ў бок плошчы Леніна. Побач ехалі машыны зь бел-чырвона-белымі сьцягамі. Калі людзі вышлі на вуліцу Савецкую, дзе абмежаваны рух транспарту, дык выйшлі на брукаванку і разгарнулі два бела-чырвона-белыя сьцягі даўжынёй больш за 30 мэтраў, якія прынесьлі на руках да плошчы Леніна.

На плошчы Леніна недзе пасьля 12-й гадзіны пачалі таксама зьбірацца людзі з балёнікамі й нацыянальнымі сьцягамі. Ужо пасьля 13-й гадзіны іх было больш за тысячу. Недзе а 13.30 на плошчу выйшла калёна баранавіцкіх мэдыкаў (300-500 чалавек), якая несла плякаты з патрабаваньнямі спыніць гвалт і правядзеньня новых выбараў. Мэдыкі скандавалі «Сыходзь!» (па-расейску: Уходи!) і «Жыве Беларусь!». Калёна лекараў прайшла вуліцаю Леніна, да стадыёна, пасьля чаго перайшла вуліцу і вярнулася на плошчу да помніка Леніна.

На плошчу прыехалі ці прывезьлі 4 аўтамабілі, якія былі разгромленыя міліцыяй у ноч на 11 жніўня падчас падаўленьня пратэстаў.

Прыкладна а 14-й гадзіне калёна, што ішла ад Лядовага палаца дасягнула плошчы. пратэстоўцы абґядналіся. З прычыны ненаяўнасьці ніякіх бачных арганізатараў, натоўп скандаваў: «Жыве Беларусь!», «Сыходзь!», «Выпускай!», «Верым, можам, пераможам!».

На флагштоку каля помніка Леніну былі вывешаныя бел-чырвона-белыя сьцягі й балёнікі.

Ніхто з кіраўніцтва мястэчка да людзей не выйшаў.

У гэты дзень на плошчы адначасова знаходзілася ад 8600 да 9500 чалавек.

 

На плошчы Леніна жыхары гораду агучылі свае патрабаваньні:

• Адстаўка Аляксандра Лукашэнкі;
• Вызваленьне ўсіх палітвязьняў;
• Адстаўка й арышт кіраўніцтва МУС за ґвалт на мірных акцыях;
• Адстаўка й арышт чальцоў ЦВК на чале зь Лідзіяй Ярмошынай;
• Стварэньне рады народнага даверу, у якую ўвойдуць і органы дзяржаўнай улады;
• Гарантаваньне свабоды мірных сходаў у любым месцы Баранавіч;
• Апраўданьне асуджаных за мірныя акцыі;
• Вяртаньне сплачаных штрафаў.

• Мітынг на плошчы ў Баранавічых
•  
•  
•  
•