Мартыньш Стакіс: латыскі палітык

4 ліпеня 1979, Тукумс) — латвійскі палітык і прадпрымальнік, мэр Рыгі, адзін з заснавальнікаў руху «За!» і сябра ўправы палітычнага аб’яднаньня «Для разьвіцьця/За!», сын палітыка Дагніі Стаке і брат палітыка Андрэя Стакіса.

Мартыньш Стакіс
дэпутат Сойма Латвіі[d]
6 лістапада 2018 — 11 чэрвеня 2020
мэр Рыгі[d]
2 кастрычніка 2020 — 5 ліпеня 2023
Папярэднік	Алег Бураў[d]
Асабістыя зьвесткі
Нарадзіўся:	4 ліпеня 1979(1979-07-04) (44 гады) Тукумс, Тукумскі раён[d], Латвійская Савецкая Сацыялістычная Рэспубліка, СССР
Партыя:	Рух «За!»[d] (2022) The Progressives[d]
Сужэнец:	Ilze Paidere-Staķe[d]
Маці:	Дагнія Стаке[d]
Адукацыя:	Тукумская гімназія імя Райніса[d] (1997) факультэт бізнэсу, кіраваньня і эканомікі Латвійскага ўнівэрсытэту[d] (2004) Школа бізнэсу Ўнівэрсытэту Аальта[d]
Мартыньш Стакіс у Вікісховішчы

Нарадзіўся ў сям’і музыкаў і настаўнікаў сьпеваў Юрыса і Дагніі Стакісаў, у горадзе Тукумс. Раньняе дзяцінства правёў у Дзьвінску, дзе яго бацькі вучыліся на музычна-пэдагагічным факультэце Дзьвінскага педінстытуту. У 1984 годзе сям’я пераехала ў навакольлі Тукумсу, у мястэчка Тумэ. Пачаў вучыцца ў вясковай школе, потым перавёўся ў Тукумскую сярэднюю школу № 1, яккую скончыў у 1997 годзе.

Паступіў на эканамічны факультэт Латвійскага ўнівэрсытэту і адначасова пачаў працаваць у фірме аптовага гандлю алькагольнымі напоямі Mono. Потым перайшоў у гандлёвую сетку пэрыёдыкі Narvesen, якая тады стваралася.

З 2017 году ў партыі «Рух За!» (Kustība Par!), які ўвайшоў у палітычнае аб’яднаньне «Для раьвіцьця/За!».

У 2018 годзе быў абраны ў 13 Сэйм Латвіі ад аб’яднаньня «Разьвіцьцю/За!». Стаў парлямэнцкім сакратаром Міністэрства абароны у свайго аднапартыйца А. Пабрыкса.

У 2020 годзе ўзначаліў сьпіс свайго палітычнага аб’яднаньня на пазачарговых выбарах у Рыскую думу і выйграў іх з вынікам 26,16% для свайго сьпісу (44619 галасоў). Занял пост мэра Рыгі.

Адносіны зь Беларусьсю

24 траўня разам зь міністрам замежных справаў Латвіі Эдгарсам Рынкевічсам замяніў чырвона-зялёны сьцяг на бел-чырвона-белы з Пагоняй ў цэнтры Рыгі на месцы, дзе былі ўсталяваныя сьцягі краінаў-удзельніц чэмпіянату па хакеі. «Сярод сьцягоў чэмпіянату па хакеі мы падымаем сьцяг Свабоднай Беларусі! Гэты сьцяг мне даверылі палітычныя ўцекачы зь Беларусі. Сьцяг, які сымбалізуе рэжым, які ажыцьцяўляе дзяржаўны тэрарызм, недарэчны ў гарадзкім асяродзьдзі Рыгі — таму мы яго зьнялі!» — напісаў ён ў сябе ў Twitter.

Міністар замежных справаў рэжыму Лукашэнкі Ўладзімер Макей назваў гэтыя дзеяньні гарадзкіх уладаў Рыгі «актам дзяржаўнага вандалізму» і паведаміў, што амбасадар Латвіі і ўвесь дыпляматычны і адміністрацыйна-тэхнічны склад амбасады павінен пакінуць краіну на працягу 48 гадзін. Было дазволена пакінуць толькі аднаго адміністрацыйна-тэхнічнага супрацоўніка для дагляду за будынкам. У адказ Латвія абвясьціла, што высылае з краіны амбасадара Беларусі і ўсіх дыпляматаў.

• Дзьмітры Гурневіч. Мэр Рыгі: Наш доўг — падтрымаць Беларусь, нават калі гэта будзе нам нешта каштаваць, Радыё Свабода, 26 траўня 2021 г.