Майсей Грынблат: Беларускі навуковец

Вікіпэдыя мае артыкулы пра іншых асобаў з прозьвішчам Грынблат (неадназначнасьць).

Нарадзіўся ў жыдоўскай сям’і. Удзельнічаў у трупе Ўладзіслава Галубка. Працаваў у Беларускім аддзеле Наркамасьветы БССР (1920).

Навучаўся ў Ленінградзкім унівэрсытэце (1925—1930). З 1930 — у Акадэміі навук БССР, у 1931—1941 — у Інстытуце гісторыі; адначасна выкладаў у Менскім пэдагагічным інстытуце (1937—1941) і Беларускім дзяржаўным унівэрсытэце (1939—1941). Вайну правёў у РСФСР. У 1945 вярнуўся, абараніў кандыдацкую дысэртацыю і да 1956 працягваў працаваць у Інстытуце гісторыі АН БССР, выкладаючы ў БДУ (1945—1950).

У 1957—1976 — у Інстытуце мовазнаўства, этнаграфіі і фальклёру.

Адзін з аўтараў двухтомнай (Т.1, 1961) і пяцітомнай (Т.1, 1972) «Гісторыі Беларускай ССР».

• «Краязнаўчыя музеі і вясновая пасяўная кампанія» (1932)
• «Сталін у яўрэйскай народнай творчасці» (1939, складальнік)
• «Песні беларускага народа» (1940, Т.1, рэдактар, складальнік)
• «Беларуская народная архітэктурная разьба» (1958, рэдактар)
• «Беларускія народныя песні» (1959, рэдактар)
• «Белорусы: Очерки происхождения и этнической истории» (1968)
• «Праблемы сучаснага беларускага фальклору» (1969, рэдактар)
• «Сказки народов СССР» (1970, складальнік)
• «Беларуская этнаграфія і фалькларыстыка» (1972)
• «Загадкі» (1972, складальнік)
• «Зімовыя песні: калядкі і шчадроўкі» (1975, рэдактар)
• «Прыказкі і прымаўкі: у 2 кн.» (1976, складальнік)
• «Этнаграфічны зборнік (даклады аддзялення этнаграфіі і Геаграфічнага таварыства Беларускай ССР)» (1975, рэдактар)
• «Выслоўі» (1979, складальнік)
• «Вяселле: песні» (кн. 1, 1980, рэдактар)
• «Вяселле: песні» (кн. 2, 1981, рэдактар)
• «Вяселле: песні» (кн. 3, 1983, рэдактар)

Пераклады

• Вітаўтас Місявічус. «Мядзведжая акадэмія» (1988, пераклад зь летувіскай)

• Энцыклапедыя літаратуры і мастацтва Беларусі. У 5 т. / Рэд. І. П. Шамякін (гал. рэд.) і інш.. — Мн.: БелСЭ, 1985. — Т. 2: Габой — Карціна. — 702 с. — 9500 ас.

• Майсей Грынблат — дасьледнік культуры // Польскае радыё