Лена: рака ў Азіі

Рака працякае па тэрыторыі Іркуцкае вобласьці й Якутыі, некаторыя з яе прытокаў адносяцца да Забайкальскага, Краснаярскага, Хабараўскага краёў і да рэспублікі Буратыі. Лена ёсьць найбуйнейшай з расейскіх рэкаў, чый басэйн цалкам ляжыць у межах краіны.

Рака

Лена лац. Liena
Лена
Агульныя зьвесткі
Выток	Байкальскі хрыбет
Вышыня вытоку	1650
Вусьце	мора Лапцевых
Вышыня вусьця	0 м
Краіны басэйну	Расея
Вобласьці	Якутыя і Іркуцкая вобласьць
Даўжыня	4480 км
Сярэднегадавы сьцёк	16 350 м³/с
Плошча басэйну	2490 тыс. км²
Месцазнаходжаньне
Галерэя здымкаў у Вікісховішчы

Мяркуецца, што назва ракі паходзіць з эвенскае мовы «Елю-Енэ», што значыць «вялікая рака».

Даўжыня ракі — 4400 км, плошча басэйну — 2490 тыс. км². Па характары цячэньня ракі адрозьніваюць тры яе ўчасткі: ад вытоку да вусьця Віціму; ад вусьця Віціму да месца ўпадзеньня Алдану й трэці ніжні ўчастак — ад упадзеньня Алдану да вусьця. Самы вялікі прыток Лены — Алдан (каля 30% стоку ад усіх прытокаў).

Берагі Лены заселеныя вельмі слаба. За выключэньнем падыходаў да Якуцку, дзе шчыльнасьць насельніцтва адносна высокая, адлегласьць між суседнімі населенымі пунктамі можа дасягаць соцень кілямэтраў, занятых глухой тайгой.

Лена застаецца галоўнай транспартнай артэрыяй Якутыі. Па Лене ажыцьцяўляецца асноўная частка «паўночнага завозу». Аднак на рацэ шмат складанных для суднаходзтва месцаў, якія вымагаюць штогод праводзіць працы па паглыбленьні дну.

  Лена — сховішча мультымэдыйных матэрыялаў