Курскі вакзал — пасажырскі тэрмінал станцыі Масква-Пасажырская-Курская, адзін з 9-ці чыгуначных вакзалаў Масквы.
Адзін з шасьці вакзалаў Масквы, якія абслугоўваюць унутрырасейскія і міжнародныя цягнікі (разам з Ленінградзкім, Беларускім, Кіеўскім, Рыскім ды Яраслаўскім). Таксама Курскі вакзал - адзін з двух транзітных вакзалаў Масквы (другі транзітны - Беларускі). Разьмешчаны на плошчы Курскага вакзала. Адрас - вуліца Земляны Вал, 29. Найбліжэйшыя станцыі мэтро - Курская кальцавая, Курская радыяльная ды Чкалаўская. Зь першага паверху Курскага вакзала можна прайсьці на супольны вэстыбюль абедзвюх станцый мэтро. Курскаму вакзалу адпавядае код 191602. Білеты на цягнікі, якія праходзяць праз Курскі вакзал, пазначаюцца "МОСКВА КУР". Пабудаваны ў 1896 годзе. Курскі вакзал забясьпечвае абслугоўваньне хуткіх і пасажырскіх паяздоў напрамкам у Курск і Ніжні Ноўгарад (сёньня захоўваецца назва "Горкаўскі напрамак" паводле старой назвы Ніжняга Ноўгарада "Горкі"). Першапачаткова меў назву Курска-Ніжагародзкі вакзал. Таксама зь яго адыходзяць цягнікі на Уладзімер, Арол, Перм, Поўдзень Расеі, Каўказ, Усходнюю Украіну (Харкаў) ды Крым, а таксама шэраг транзітных маршрутаў з поўначы на поўдзень і хуткасны цягнік Сапсан зносінамі Санкт-Пецярбург - Ніжні Ноўгарад, для якога адведзеная спэцыяльная высокая плятформа. Цягнікі дальняга сьледаваньня адыходзяць ад асноўнага пэрона, дзе разьмешчаныя 5 плятформ і 9 пуцей. Усе плятформы высокія, акрамя першай, ад якой адыходзяць цягнікі на Ніжні Ноўгарад. Архітэктарам першага будынку быў Мікалай Арлоў (1860—1918). У 1972 годзе праведзеная перабудова вакзала па праекце Георгія Валошынава (1902—1983).
Курскі вакзал | |
Выгляд вакзала | |
Былыя назвы | Курска-Ніжагародзкі вакзал |
---|---|
Тып | вакзал |
Месцазнаходжаньне | Масква, Расея |
Пачатак будаўніцтва | 1896 |
Дата рэканструкцыі | 1972 |
Архітэктар | Мікалай Арлоў |
Каардынаты | 55° пн. ш. 37° у. д. / 55° пн. ш. 37° у. д. 37° у. д. / 55° пн. ш. 37° у. д. |
Курскі вакзал | |
Афіцыйны сайт |
Вакзал мае камеры захоўваньня, узважваньне багажу, залы чаканьня (у тым ліку для вельмі важных асоб), пакоі маці і дзіцяці (бясплатныя і платныя), аптэку, салёны сотавай сувязі, прадуктовыя крамы, паслугі капіяваньня і раздрукоўкі ў зале чаканьня для вельмі важных асоб, Wi-Fi, прыбіральні, пост хуткай дапамогі, участак паліцыі, паштовае аддзяленьне, банк, банкаматы, інфакіёскі, паркоўку.
Курскі вакзал — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Курскі вакзал, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.