Крэтынга (лет.
Kretinga, да 1915 году Крэтынген) — горад у Летуве, на рацэ Акмяне. Адміністрацыйны цэнтар Крэтынскага раёну Клайпедзкага павету. Насельніцтва на 2017 год — 18 944 чалавекі. Аўтамабільнай дарогай злучаецца з Клайпедай, Палангай і Шаўлямі; чыгуначная станцыя на лініі Шаўлі — Савецк.
Крэтынга | |||||
лет. Kretinga | |||||
| |||||
Першыя згадкі: | 1253 | ||||
Горад з: | 1607 | ||||
Краіна: | Летува | ||||
Павет: | Клайпедзкі | ||||
Насельніцтва: | 18 944 чал. (2017) | ||||
Часавы пас: | UTC+2 | ||||
летні час: | UTC+3 | ||||
Геаграфічныя каардынаты: | 55°53′39.16″ пн. ш. 21°14′49.82″ у. д. / 55.8942111° пн. ш. 21.2471722° у. д. 21°14′49.82″ у. д. / 55.8942111° пн. ш. 21.2471722° у. д. | ||||
Крэтынга | |||||
Галерэя здымкаў у Вікісховішчы | |||||
https://www.kretinga.lt/ |
Крэтынга — места гістарычнай Жамойці.
Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, назва Крэтынга паходзіць ад германскага асабістага імя Hrothi, якое было асабліва прадукцыйным у бургундзкіх і франконскіх уладаньнях: Krottweiler, Roedingen (у 847 годзе Hrodingen) ды іншыя.
Крэтынга — адзін з самых старажытных гарадоў Жамойці, першыя ўспаміны адносяцца да 1253 году як аб касьцёле «Крэтын» Курляндзкага біскупства. У 1602 годзе, калі паселішча належала Хадкевічам. Ян Караль Хадкевіч пабудаваў тут кляштар бэрнардынцаў у 1603 годзе. У 1610—1617 гадах быў пабудаваны Касьцёл Зьвеставаньня Найсьвяцейшай Панны Марыі. У другой палове XVII стагодзьдзя паселішча перайшло да Сапегаў, а ў першай палове наступнага стагодзьдзя было прададзена Масальскім. Пасьля падзелаў Рэчы Паспалітай, з 1795 году, Крэтынга знаходзілася ва ўладаньні Патоцкіх, якія прадалі яго ў 1803 годзе Плятону Зубаву. Сям’я Зубавых валодала Крэтынгай да 1875 году, калі яго выкупілі Тышкевічы. У іх уладаньні Крэтынга знаходзілася да Другой сусьветнай вайны. Да нашых дзён захаваўся палац Тышкевічаў.
Пасьля Другой сусьветнай вайны ў палацы знаходзілася сельскагаспадарчая ПТВ і спартовая заля. З 1950 году Крэтынга стала раённым цэнтрам. Пасьля рэстаўрацыі палацу ў 1992 годзе тут знаходзіцца музэй гісторыі Жамойці, а ў аранжарэі — замні сад.
This article uses material from the Wikipedia Беларуская (тарашкевіца) article Крэтынга, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.