Скарына Кніга Рут
Кні́га Рут («Книга о Руфееже была баба Іосеова отца царя Давидова») — недатаванае праскае выданьне Скарыны, якое было выдадзена каля 1519 году.
| Кніга Рут | |
 «Жніво». Тытульны ліст «Кнігі Руф». Гравюра на дрэве. | |
| Аўтар: | Францішак Скарына |
|---|---|
| Мова арыгіналу: | беларуская рэдакцыя царкоўнаславянскай мовы |
| Публікацыя: | к. 1519 |
| Колькасьць старонак: | 8 аркушаў |
Зьмест кнігі
На тытульным лісьце зьмешчана гравюра і пашыраная назва кнігі («Зуполне выложена доктором Франциском Скориною изъ славнаго града Полоцька»), а на адвароце — прадмова: «Сказание доктора Франъциска Скорины с Полоцька въ книги Руф прабабы Давидовы». На 2-8 аркушах выдадзены тэкст 4 разьдзелаў кнігі, на апошнім аркушы — кароткае пасьляслоўе.
Друкарскія асаблівасьці выданьня
Кніга выдадзеная на царкоўна-славянскай мове беларускай рэдакцыі. Фармат выданьня — у чвэрць аркуша, аб’ём — 8 аркушаў, якія сабраны ў адзін сшытак. Набор выкананы праскім шрыфтам Скарыны — у 10 радкоў вышынёй 75 мм Сыгнатура адсутнічае. Фаліяцыя зьмешчана на верхнім баку аркуша ўверсе справа. Выданіне ўпрыгожана ілюстрацыяй «Рут у полі» (тытульны ліст), застаўкай і 7 ініцыяламі. Застаўка зьмешчана перад асноўным тэкстам, на ёй выяўлены шчыт з зацьменьнем сонца і сырэн з рыбінымі хвастамі; такая ж застаўка маецца ў яшчэ 7 іншых праскіх выданьнях. Ініцыялы зьмешчаны ў пачатку разьдзелаў, прадмовы і пасьляслоўя.
Захавалася 8 асобнікаў выданьня.
Крыніцы
Літаратура
- Францыск Скарына і яго час: Энцыкл. давед. / Беларус. Сав. Энцыклапедыя; Рэдкал. І. П. Шамякін (гал. рэд.) і інш. — Мн.: БелСЭ, 1988. — 608 с. — ISBN 5-85700-003-3
This article uses material from the Wikipedia Беларуская (тарашкевіца) article Кніга Рут (Скарына), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.