Катэдра Сьвятых Станіслава І Вацлава: касьцёл у Кракаве (Польшча)
| Славутасьць | |
Катэдра сьвятых Станіслава і Вацлава Bazylika archikatedralna św. Stanisława i św. Wacława | |
 Выгляд з поўдня | |
| Краіна | Польшча |
| Места | Кракаў |
| Каардынаты | 50°3′16″ пн. ш. 19°56′7″ у. д. / 50.05444° пн. ш. 19.93528° у. д. 19°56′7″ у. д. / 50.05444° пн. ш. 19.93528° у. д. |
| Канфэсія | каталіцтва |
| Эпархія | Кракаўская архідыяцэзія[d] |
| Тып будынка | сабор |
| Архітэктурны стыль | готыка |
| Аўтар праекту | Giovanni Battista Trevano[d] і Джавані Батыста Джызлені[d] |
| Першае згадваньне | XI стагодзьдзе |
| Дата заснаваньня | XIV стагодзьдзе |
| Статус | ахоўваецца дзяржавай |
| Стан | дзейны |
| Сайт | Афіцыйны сайт |
Катэдра сьвятых Станіслава і Вацлава на мапе Польшчы   Катэдра сьвятых Станіслава і Вацлава | |
 Катэдра сьвятых Станіслава і Вацлава на Вікісховішчы | |
Катэ́дра сьвяты́х Станісла́ва і Ва́цлава (па-польску: Bazylika archikatedralna św. Stanisława i św. Wacława) — катэдральны сабор на Вавэльскім узгорку ў Кракаве (Польшча). Месца каранацыі і пахаваньня польскіх каралёў.
Мінуўшчына
На месцы цяперашняга храму даўней разьмяшчаліся два іншыя будынкі: Катэдральны касьцёл сьв. Вацлава (пабудаваны ў 1020 і разбураны чэскім князем Бжэціславам у 1038), а пазьней асьвечаны ў 1142 трохнэфавы касьцёл біскупа і сьвятога велікамучаніка Станіслава Шчапаноўскага. Гэты будынак згарэў у 1305 року, засталася толькі крыпта сьв. Леанарда.
Празь некалькі гадоў біскуп Нанкер пачаў будаўніцтва трэцяга, ужо гатычнага храма. Паколькі Кракаў да 1609 року заставаўся сталіцаю Польшчы, катэдральны сабор служыў адначасна прыдворным храмам, а ў падземных пачывальнях спачываюць каралі Польшчы.
Вавельскі сабор у наступных стагодзьдзях неаднаразова быў перабудаваны. Вакол яго зьявіліся капліцы, сярод іх капліца караля Жыгімонта, шэдэўр рэнэсанснай архітэктуры, работы італійскага дойліда Барталямэо Берэцы (1533).
На званіцы Жыгімонта, пабудаванай у XIV стагодзьдзі як частка ўмацаваньняў Вавэльскага пагорку, знаходзіцца звон «Зыгмунт», самы вядомы са званоў Польшчы, нацыянальны сымбаль краіны.
У 1399 у архікатэдральным саборы была пахаваная каралева Польшчы сьвятая Ядвіга, а ў XVII стагодзьдзі ў цэнтры сабора пабудаваны маўзалей сьвятога Станіслава Шчапаноўскага.
Асобы
У катэдры пахаваныя амаль усе каралі Польшчы ад Уладыслаў I Лакетка да Станіслава Ляшчынскага (17 каралёў, у тым ліку 2 каралевы), кракаўскія біскупы й іншыя вядомыя дзеячы.
| Каралі польскія | Сьвятыя | |
|---|---|---|
|
Іншыя
|
Літаратура
- Skowron Ryszard. Wawel. Kronika dziejów. — Kraków: Zamek Królewski na Wawelu, 2001. — ISBN 83-88476-05-X
- Michał Rożek. Katedra Wawelska w XVII wieku. — Kraków: Wydawnictwo Literackie, 1980. — ISBN 83-08-00198-X
Вонкавыя спасылкі
Катэдра Сьвятых Станіслава і Вацлава — сховішча мультымэдыйных матэрыялаў
- Афіцыйная бачына (пол.)
- Віртуальная катэдра (пол.) (анг.)
- Віртуальны шпацыр па катэдры (пол.)
This article uses material from the Wikipedia Беларуская (тарашкевіца) article Катэдра Сьвятых Станіслава і Вацлава, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.