Касьцюкоўка

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцюкоўка (неадназначнасьць).

Падпарадкоўваецца Чыгуначнаму раённаму савету Гомелю і ўваходзіць у склад Гомельскага гарсавету. Насельніцтва на 2016 год — 9904 чалавек. Знаходзіцца за 12 км паўночны захад ад Гомелю, чыгуначная станцыя на лініі Гомель — Жлобін, на аўтамабільнай дарозе Гомель — Магілёў.

Касьцюкоўка
трансьліт. Kaściukoŭka
Першыя згадкі:	1873
Краіна:	Беларусь
Вобласьць:	Гомельская
Раён:	Гомельскі
Гарадзкі савет:	Гомельскі
Плошча:	4,36 км²
Насельніцтва (2016)
колькасьць:	9904 чал.
шчыльнасьць:	2271,56 чал./км²
Часавы пас:	UTC+3
Тэлефонны код:	+375 232
Паштовы індэкс:	247045
СААТА:	3401655000
Нумарны знак:	3
Геаграфічныя каардынаты:	52°32′13″ пн. ш. 30°55′10″ у. д. / 52.53694° пн. ш. 30.91944° у. д. / 52.53694; 30.91944 30°55′10″ у. д. / 52.53694° пн. ш. 30.91944° у. д. / 52.53694; 30.91944
Касьцюкоўка на мапе Беларусі ± Касьцюкоўка Касьцюкоўка
Галерэя здымкаў у Вікісховішчы

Упершыню Касьцюкоўка ўпамінаецца ў 1873 годзе як станцыя Лібаўска-Роменскай чыгункі. Неўзабаве пры станцыі ўтварылася паселішча, дзе адкрылася школа, працаваў млын. Адміністрацыйна Касьцюкоўка належала да Пакалюбіцкай воласьці Гомельскага павету Магілёўскай губэрні. Штогод з чыгуначнай станцыі вывозілі больш за 400 тыс. пудоў хлебных і лясных грузаў.

У лютым — сакавіку 1918 году Касьцюкоўку занялі нямецкія войскі, якія знаходзіліся ў паселішчы да 30 лістапада таго ж гоку. 25 сакавіка 1918 году згодна з Трэцяй Устаўной граматай Касьцюкоўка абвяшчалася часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яна ўвайшла ў склад Беларускай ССР, аднак 16 студзеня Масква адабрала паселішча разам зь іншымі этнічна беларускімі тэрыторыямі ў склад РСФСР. У 1926 годзе Касьцюкоўка вярнулася ў склад БССР, дзе з 1929 году стала пасёлкам работнікаў Гомельскага шклозаводу. У 1935 годзе Касьцюкоўка атрымала афіцыйны статус працоўнага пасёлку.

У часы Другой сусьветнай вайны з 18 жніўня 1941 да 26 лістапада 1943 году Касьцюкоўка знаходзілася пад нямецкай акупацыяй. У 1943—1945 гадох вялося аднаўленьне заводу і мястэчка. У 2016 годзе Касьцюкоўка ўвайшла ў межы Гомелю.

• Касьцюкоўка на старых здымках
•  
  Сядзіба Нолькенаў,
  да 1918 г.
•  
  Мястэчка пры гуце, 1931 г.
•  
  Мястэчка пры гуце, 1931 г.
•  
  Мястэчка пры гуце, 1933—39 гг.

Дэмаграфія

• XX стагодзьдзе: 1970 год — 10 тыс. чал.; 1998 год — 11,1 тыс. чал.
• XXI стагодзьдзе: 2006 год — 10,6 тыс. чал.; 2008 год — 10,6 тыс. чал.; 2016 год — 9904 чал.

Рэлігія

У 1990-я гады ў мястэчку збудавалі царкву Сьвятога Міхала Арханёла.

Адукацыя

У Касьцюкоўцы працуюць 2 сярэднія школы, школа-інтэрнат і школа мастацтваў.

Мэдыцына

Мэдычнае абслугоўваньне насельніцтва ажыцьцяўляюць лякарня і паліклініка.

Культура

Дзейнічаюць палац культуры шклозаводу і бібліятэка.

Галоўнае прадпрыемства Касьцюкоўкі — гута ААТ «Гомельшкло», апроч таго працуюць прадпрыемствы тарфяной і швацкай прамысловасьці.

Славутасьці

• Жылы раён пры гуце (1930-я)

Страчаная спадчына

• Сядзіба Нолькенаў

• Уладзімер Ісачэнка — мастак, выкладнік
• Пётар Лук’яненка — мастак, аўтар і вядоўца тэлевізійнай праграмы «Мастак i час»
• Уладзімер Сьцепаненка — мастак, пісьменьнік і журналіст
• Уладзімер Шымко — генэрал-лейтэнант авіяцыі

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1999. — Т. 8: Канто — Кулі. — 576 с. — ISBN 985-11-0144-3

  Касьцюкоўка — сховішча мультымэдыйных матэрыялаў

• Здымкі на «Глёбусе Беларусі»
• Сайт мястэчка