Кантро́льны ну́мар бібліятэ́кі Кангрэ́су (LCCN) — парадкавая сыстэма лічбавай каталёгізацыі запісаў у бібліятэцы Кангрэсу ЗША.
Выкарыстоўваецца для каталёгізацыі ўсіх выдадзеных амэрыканскіх кніг.
Сыстэма нумарацыі LCCN выкарыстоўваецца з 1898 року і першапачаткова азначала Карткавы нумар бібліятэкі Кангрэсу (анг. Library of Congress Card Number). Бібліятэка Кангрэсу запаўняла карткі зь бібліяіграфічнай інфармацыяй па сваім бібліятэчным каталёгу і прадавала паўторныя наборы картак іншым бібліятэкам дзеля выкарыстаньня ў іхніх каталёгаў. Гэтая зьява стала называцца цэнтралізаванай каталёгізацыяй. Кожнаму набору картак дзеля ідэнтыфікацыі прысвойваўся парадкавы нумар.
Цяпер большасьць бібліяграфічнай інфармацыі ствараецца, захоўваецца і перадаецца ў іншыя бібліятэкі ў электронным выглядзе, аднак патрэба ва ўнікальнай ідэнтыфікацыі захавалася.
У найбольш спрошчанай форме кантрольны нумар складаецца з году і парадкавага нумару. На гады ад 1898 да 2000 адведзеныя два разрады, з 2001 выкарыстоўваюцца 4 разрады. Тры неадназначныя гады (1898, 1899 і 1900) адрозьніваюцца разьмернасьцю парадкавага нумару.
Парадкавы нумар — шасьцізначны лік, які абавязкова пачынаецца з нулёў. вядучыя нулі былі ўведзеныя дзеля выроўніваньня параўнальна нядаўна, таму раньнія выданьні будуць складацца зь меншай колькасьці разрадаў. Злучок паміж годам і парадкавым нумарам неабавязковы, і Бібліятэка Кангрэсу раіць яго не выкарыстоўваць.
Вікізьвесткі маюць уласьцівасьці:
|
This article uses material from the Wikipedia Беларуская (тарашкевіца) article Кантрольны нумар Бібліятэкі Кангрэсу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.