Канвэртава́ная ма́рка (па-басьнійску: Konvertibilna marka) — афіцыйная валюта Босьніі і Герцагавіны.
Код ISO 4217: BAM. Летам 1998 году марка замяніла дынары і куны, згодна з Дэйтанскімі пагадненьнямі 1995 году. Эмісію канвэртаваных марак ажыцьцяўляе Цэнтральны банк Босьніі і Герцагавіны. Марка дзеліцца на 100 канвэртаваных пфэнінгаў (або проста "фенінгаў", скарочана "F"). У Фэдэрацыі Босьніі і Герцагавіны і ў Рэспубліцы Сэрбскай ужываюцца розныя банкноты (за выключэньнем банкноты ў 200 марак), якія друкуюцца ў падобным стылі, але з розным дызайнам.
Канвэртаваная марка | |
Краіна | Босьнія і Герцагавіна |
---|---|
Падзел | канвэртаваны пфэнінг |
Код ISO-4217 | ВАМ |
Скарачэньне | КМ |
Сымбаль | KM |
Цэнтральны банк | Цэнтральны банк Босьніі і Герцагавіны[d] |
Увядзеньне ва ўжытак | 22 чэрвеня 1998 |
Папярэдняя валюта | дынар Босьніі і Герцагавіны[d] |
Абменны курс: (29 кастрычніка 2008) | 1,53831 USD |
Галерэя выяваў у Вікісховішчы |
Першапачаткова марка была зьвязаная зь нямецкай маркай па курсе 1:1. Пасьля ўвядзеньня эўра абменны курс канвэртаванай маркі склаў 1 EUR = 1,95583 BAM.
Першыя банкноты ў 50 F, KM 1, KM 5 і KM 10 былі выпушчаныя ў зварот 22 чэрвеня 1998 году. Дызайн усіх банкнот акрамя KM 200, якія ходзяць у Босьніі і Герцагавіне, адрозьніваецца ад дызайну банкнот Рэспублікі Сэрбскай. Першапачаткова на купюрах у 1 канвэртаваную марку для Рэспублікі Сэрбскай быў разьмешчаны партрэт Іва Андрыча, але ягонае імя было надрукавана з памылкай, таму гэтыя купюры былі выведзеныя з абарачэньня. На сучасных купюрах у KM 1 разьмешчаны партрэт пісьменьніка Івана Франё Юкіча, на купюры у KM 5 - партрэт яшчэ аднаго пісьменьніка Мэшы Сэлімавіча. На купюры у 200 марак паказаны мост, што нагадвае банкноты эўра. Дызайн гэтай купюры зрабіў Робэрт Каліна, які таксама распрацаваў дызайн банкнот эўра.
This article uses material from the Wikipedia Беларуская (тарашкевіца) article Канвэртаваная марка, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.