Казі́мер Віке́нцьевіч Каме́йша (нар.
1943, в. Малыя Навікі, цяпер Стаўпецкі раён, Менская вобласьць, Беларусь) — беларускі паэт.
Казімер Камейша | |
Асабістыя зьвесткі | |
---|---|
Нарадзіўся | 4 сьнежня 1943 в. Малыя Навікі, Генэральная акруга Беларусь, Райхскамісарыят Остлянд, Нямецкая дзяржава |
Літаратурная дзейнасьць | |
Род дзейнасьці | журналіст |
Гады творчасьці | з 1959-га |
Жанр | паэзія |
Мова | беларуская |
Значныя творы | зборнік «Пярэймы дня» (1988) |
Прэміі | Прэмія Куляшова (1989), «Залаты Купідон» (2010) |
Узнагароды | |
Творы на сайце Knihi.com |
Ляўрэат прэміі Куляшова (1989) за зборнік «Пярэймы дня» і прэміі «Залаты Купідон» (2010).
З 1959 году 16-гадовым юнаком пачаў друкавацца ў пэрыядычных выданьнях. У 1963—1966 гадах служыў у Савецкім войску. У 1967—1968 гадах працаваў літаратурным супрацоўнікам у Валожынскай раённай газэце «Працоўная слава». З 1968 году — старэйшы рэдактар на Беларускім радыё. У 1970 годзе скончыў завочнае беларускае аддзяленьне Беларускага дзяржаўнага ўнівэрсытэту. У 1979—1981 гадах працаваў у часопісе «Полымя». У 1981—1988 гадах — у часопісе «Вясёлка». У 1988—2005 гадах — у часопісе «Маладосьць». З 2005 году — у часопісе «Вожык».
Аўтар лірычных паэмаў і вершаваных зборнікаў для дзяцей. Шэраг яго вершаў паклалі на музыку. Апявае ў творчасьці высакародзтва, працу і сяброўства. Перакладае з польскай, расейскай і ўкраінскай моваў. Выдаў 9 зборнікаў вершаў: «Мэмбрана» (1972), «Тут мае вёсны прычалены» (1977), «Сябрына» (1978), «Плёс» (1982), «Галоўная вярства» (1985), «Пярэймы дня» (1988), «Кубак блакіту» (1993) і «Лінія лёсу» (1996). Аўтар 6 кніжак для дзяцей: «Гаёўка» (1975), «Бусьлянка» (1985), «Дзятлава кузьня» (1987), «Дзень добры, шафёр» (1988), «Гарцунок» (1991) і «Дожджыкава лічылка» (1998).
Гэта — накід артыкула пра асобу з Беларусі. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Казімер Камейша, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.