Казімер — колішняе места на тэрыторыі Беларусі, на правым беразе ракі Бярэзіны.
Знаходзіўся каля вёскі Каралёвай Слабады 2, за 22 км ад Бабруйску. Існаваў у 1643—1655 гадох.
Казімер — магдэбурскае места гістарычнай Рэчыччыны (Панізоўя).
Места назвалі Казімерам, відаць, у гонар сына караля і вялікага князя Ўладзіслава Вазы — Жыгімонта Казімера Вазы (1640—1647). Ужываліся таксама назвы Казімераўская Слабада, Каралеўская Слабада.
Утварыўся ў Бабруйскім старостве Вялікага Княства Літоўскага на гасьцінцы з Бабруйску ў Горваль (вёска і замак пры вусьці Бярэзіны, у Рэчыцкім павеце) зь вёскі Слабада, якой ў 1643 годзе каралева і вялікая княгіня Цэцылія Рэната Габсбург надала Магдэбурскае права і герб.
У час вайны Маскоўскае дзяржавы з Рэччу Паспалітай (1654—1667) Казімер зруйнавалі казакі Івана Залатарэнкі. Па руйнаваньні места не аднавілася, на яго месцы ўтварылася вёска Каралеўская (часам Казімераўская) Слабада (Каралева Слабада), якая пазьней была ў валоданьні Прушаноўскіх.
У 2006—2012 гадох гісторык Сяргей Рассадзін (Менск), які выявіў і апублікаваў у 2001 годзе прывілей Казімеру на Магдэбурскае права, праводзіў тут археалягічныя раскопкі. 2 жніўня 2016 году тэрыторыі былога места надалі статус гістарычна-культурнай каштоўнасьці Беларусі рэгіянальнага значэньня.
This article uses material from the Wikipedia Беларуская (тарашкевіца) article Казімер (горад), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.