Дўэйн Джонсан: амэрыканскі рэсьлер і актор

The Rock). Лічыцца адным з найвялікшых прафэсійных дужаньнікаў усіх часоў. Гэтай працай ён займаўся восем гадоў, перш чым заняцца акторскай справай. Ягоныя фільмы агулам назьбіралі больш за 3,5 мільярдаў даляраў у Паўночнай Амэрыцы і больш за 10,5 мільярдаў даляраў ва ўсім сьвеце, што робіць яго адным з самых прыбытковых і высокааплатных актораў у сьвеце. У 2016 і 2019 гадах Джонсан быў названы часопісам Time адным з самых уплывовых людзей у сьвеце.

Дўэйн Джонсан
Дата нараджэньня	2 траўня 1972(1972-05-02)[…] (51 год)
Месца нараджэньня	Гэйўард[d], Аламіда, Каліфорнія, ЗША
Месца вучобы	Маямскі ўнівэрсытэт[d] (1995) школа імя прэзыдэнта Ўільяма Макінлі[d] Вышэйшая школа Свабоды[d] McGavock Comprehensive High School[d]
Занятак	забаўляльны барацьбіт, кінаактор, кінапрадусар, выканаўчы прадусар, амэрыканскі футбаліст, тэлеактор, актор агучваньня, бізнэсмэн, Canadian football player, актор
Псэўданімы	The Rock
Бацька	Рокі Джонсан[d]
Маці	Ата Джонсан[d]
Дзеці	Сымона Джонсан[d]
Узнагароды	прэмія «Выбару падлеткаў»[d] заля славы Wrestling Observer Newsletter[d] зорка на галівудзкай «Алеі славы»[d]
IMDb	ID nm0425005
Сайт	facebook.com/DwayneJohns…
Подпіс
Дўэйн Джонсан у Вікісховішчы

Джонсан нарадзіўся ў Каліфорніі ў сям’і прафэсійнага канадзкага рэсьлера Рокі Джонсана, але гадаваўся ў Новай Зэляндыі ў сям’і ягонай маці. Праз маці мае паходжаньне самоа, а бацька мае афрыканскія і крыху ірляндзкія карані. У дзяцінстве захапляўся рэгбі, але потым вярнуўся ў ЗША, часта зьмяняючы месца жыхарства.

Джонсан гуляў у каледжны футбол у складзе Маямскага ўнівэрсытэту і нават здабываў з дружынай нацыянальны чэмпіянат у 1991 годзе. Ён імкнуўся да прафэсійнае кар’еры ў амэрыканскім футболе, але ня быў задрафтаваны на драфце НФЛ 1995 году. Склаўшы ўгоду з «Калгары Стэмпэдэрс» з Канадзкае футбольнае лігі, Джонсан быў выключаны з каманды ў першым жа сэзоне. Пасьля няўдачы спартовец скіраваў свой позірк на рэсьлінг, бо ягоныя бацька і дзед з матчынай лініі былі прафэсійнымі дужаньнікамі. У выніку Джонсан склаў кантракт з Сусьветнай фэдэрацыяй рэсьлінгу ў 1996 годзе. Набыў вядомасьць дзякуючы распрацоўцы ўласнага пэрсанажу харызматычнага рэсьлера-гаваруна у пэрыяд здабыцьця папулярнасьці гэтае забавы ў канцы 1990-х і пачатку 2000-х гадоў. Джонсан вырашыў сысьці з рэсьлінгу ў 2004 годзе, але вяртаўся яшчэ пэўны час, але тэрмінова.

Першай галоўнай роляй Джонсана была роля галоўнага герою ў фільме пра чараўніцтва «Кароль скарпіёнаў» (2002), але першае сур’ёўнае зьяўленьне на экранах адбылася за год да таго, калі актор узяў удзел у здымках фільму «Мумія вяртаецца». З тых часоў ён здымаўся ў камэдыях «Плян гульні» (2007), «Зубная чараўніца» (2010) і «Цэнтральная выведка» (2016); прыгодніцкіх баевіках «Падарожжа 2: Таямнічы востраў» (2012), «Жаўнер Джо: Кідок кобры 2» (2013), «Гэркулес» (2014) і «Хмарачос» (2018); навукова-фантастычных фільмах «Разлом Сан-Андрэас» (2015) і «Рэмпэйдж» (2018). Зьяўленьне пэрсанажу Люк Гобс у ягоным выкананьні ў сэрыі фільмаў «Фарсаж» пачынаючы з кінастужцы «Фарсаж 5: Рабаваньні ў Рыю» (2011), дапамагла фільму стаць адной з самых прыбытковых кінафраншызаў сьвеце. Джонсан таксама бярэ ўдзел ў кінафраншызе «Джуманджы», выканаўшы ролі ў фільмах «Джуманджы: Покліч джунгляў» (2017) і «Джуманджы: Наступны ўзровень» (2019).

Джонсан займаецца таксама і прадусаваньнем. У 2000 годзе пабачыла сьвет аўтабіяграфія актора «Скала гаворыць», якая стала сапраўдным бэстсэлерам.

• Дўэйн Джонсан (анг.) на сайце IMDb