Дэ-фа́кта (па-лацінску: de facto, літаральна — «на практыцы», «фактычна») — лацінскі выраз.
Звычайна выкарыстоўваецца як антонім да лацінскага тэрміну дэ-юрэ ў заканадаўчай, тэхнічнай (у дачыненьні стандартаў) сфэрах і сфэры кіраваньня, калі ў звычайную практыку ўводзяцца элемэнты без адпаведнай афіцыйнай падтрымкі. Напрыклад, пры разборы прававой сытуацыі «дэ-юрэ» азначае патрабаваньні закона, тады як «дэ-факта» гаворыць аб тым, што адбываецца насамрэч (законна гэта або не).
Тэрмін «Урад дэ-факта» ўжываецца ў дачыненьні да органаў улады, якія трымаюць уладу ў пэўнай краіне, пасьпяхова зрынуўшы (хоць бы і часова) законна абраныя інстытуты ўлады і ўсталяваўшы на іх месца свае.
Таксама ўжываецца ў міжнародным праве для апісаньня праўдзівых узаемаадносін бакоў, у той час як афіцыйныя ўзаемаадносіны звычайна вызначаюцца як «дэ-юрэ».
This article uses material from the Wikipedia Беларуская (тарашкевіца) article De facto, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.