Дэрусіфіка́цыя, дакладней дэмаскаліза́цыя або дэрасеіза́цыя — дзяржаўная палітыка ў асобных краінах, накіраваная на аднаўленьне аўтахтоннымі народамі (пераважна тытульнай нацыяй) адзнакаў нацыянальнае ідэнтычнасьці: мовы, культуры, гістарычнае памяці — якія заняпалі ў выніку русіфікацыі.
Найчасьцей ужываецца дзеля апісаньня палітыкі, што праводзілася былымі рэспублікамі СССР па ягоным распадзе. У Беларусі частковая дэрусіфікацыя мела месца ў 1991—1995 гадох (спыненая па прыходзе да ўлады Аляксандра Лукашэнкі і ўсталяваньня прарасейскага аўтарытарнага рэжыму), ва Ўкраіне з 1991 году, з 2022 поўная фаза. Аднак дэрусіфікацыя адбывалася таксама і па распадзе Расейскай імпэрыі ў 1917 годзе; у этнічна нерасейскіх рэгіёнах Савецкага Саюзу ў 1920-я гады; у Румыніі ў 1960-я гады.
This article uses material from the Wikipedia Беларуская (тарашкевіца) article Дэрусіфікацыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.