Дажыць Да Сьвітаньня: аповесьць Васіля Быкава
«Дажыць да сьвітаньня» — аповесьць беларускага пісьменьніка Васіля Быкава, напісаная ў 1972 годзе.
Надрукавана ў часопісе Маладосць №1 за 1973 год. У тым самым годзе аповесьць на расейскай мове была надрукаваная ў часопісе Нева, а яго рэдактар Нікольскі вылучыў твор на прэмію СССР. У 1974 годзе за аповесьці «Абэліск» і «Дажыць да сьвітаньня» Быкаў быў удастоены Дзяржаўнай прэміі СССР.
| Дажыць да сьвітаньня | |
| па-беларуску: Дажыць да світання | |
| Жанр: | аповесьць |
|---|---|
| Аўтар: | Васіль Быкаў |
| Мова арыгіналу: | беларуская |
| Год напісаньня: | 1972 |
| Публікацыя: | 1973 |
| Электронная вэрсія | |
Сюжэт
Увосень 1941-га, падчас бітвы пад Масквою, дзесяць байцоў на чале зь лейтэнантам пайшлі ў варожы тыл, каб падарваць базу з боепрыпасамі. Не знайшоўшы яе на месцы, лейтэнант вяртае назад асноўную групу, а сам застаецца з маладым байцом, каб працягваць пошук…
Літаратурныя асаблівасьці
Пры чытаньні аповесьці няма адчуваньня, што сюжэт адмыслова прыдуманы. У гэтай ваеннай драме паказана натуральная рэалістычная чарада падзей з жыцьця ваенных разьведчыкаў. Літаральна гадзіна за гадзінай апісваецца падрыхтоўка, і сам рэйд у тыл немцаў, а таксама трагічна-кранальнае яго завяршэньне. Лейтматывам твору можна назваць фразу аб тым, што «вайна бязьлітасная да кожнага, але першым на фронце гіне баязьлівец, — менавіта той, хто больш за ўсіх даражыць сваім жыцьцём».
Першапачаткова Быкаў напісаў аповесьць на беларускай мове, а потым сам пераклаў яе на расейскую.
Экранізацыя
Паводле аповесьці ў 1975 годзе быў зьняты аднайменны фільм. Сцэнарыстамі выступалі сам Быкаў і Віктар Сакалоў.
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Дажыць да сьвітаньня, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.