Грэнада: краіна
Грэна́да (па-ангельску: Grenada) — выспавая краіна ў Карыбскім моры, займае частку архіпэлягу Малыя Антылы.
Гэта адна з самых малых дзяржаваў сьвету.
| Грэнада Grenada | |||||
| |||||
| Нацыянальны дэвіз: «Ever Conscious of God We Aspire, Build and Advance as One People» | |||||
| Дзяржаўны гімн: «Hail Grenada» | |||||
 | |||||
| Афіцыйная мова | Ангельская | ||||
| Сталіца | Сэнт Джорджэс | ||||
| Найбуйнейшы горад | Сэнт Джорджэс | ||||
| Форма кіраваньня | канстытуцыйная манархія Лізавета II Сэсіл Ла Грэнад | ||||
| Плошча • агульная • адсотак вады | 203-е месца ў сьвеце 348,5 км² 1,6 | ||||
| Насельніцтва • агульнае (2012) • шчыльнасьць | 185-е месца ў сьвеце 109 590 318,6/км² | ||||
| СУП • агульны (2012) • на душу насельніцтва | Сьпіс краінаў паводле СУП $1,467 млрд $13 900 | ||||
| Валюта | Усходнекарыбскі даляр (XCD) | ||||
| Часавы пас | UTC-4 (UTC-4) | ||||
| Незалежнасьць ад Вялікабрытаніі | 7 лютага 1974 | ||||
| Аўтамабільны знак | WG | ||||
| Дамэн верхняга ўзроўню | .gd | ||||
| Тэлефонны код | +1473 | ||||
 | |||||
Гісторыя
У 1498 годзе Грэнада была адкрытая Хрыстафорам Калюмбам. Да 1974 году заставалася брытанскай калёніяй. У 1978 годзе адбыўся камуністычны пераварот, у выніку якога Грэнада зьмяніла зьнешнепалітычны курс, на супрацоўніцтва з краінамі камуністычнага блёку. Прэм’ер-міністрам стаў Морыс Бішап, але ў 1983 годзе ён быў забіты. У гэтым жа годзе адбылася ўварваньне войскаў ЗША, якія зьверглі камуністычны рэжым і вярнулі выбарчую палітычную сыстэму. У 2004 годзе ураган забіў 39 чалавек і выклікаў вялікія матэрыяльныя страты.
Геаграфія
Тэрыторыя краіны складаецца зь некалькіх выспаў у Карыбскім моры. Самымі вялікімі выспамі зьяўляюцца:
- Грэнада
- Карыяку
- Рондэ Айлэнд
- Малая Мартыніка
Большая частка насельніцтва жыве на самай вялікай высьпе Грэнада. Самымі вялікімі гарадамі выспы зьяўляюцца: Сэнт Джорджэс, Грэнвіль і Гуявэ.
Усе выспы маюць вульканічнае паходжаньне, у сувязі з чым, паверхня мае ўзвышаны характар. Самай высокай кропкай краіны зьяўляецца гара Сьвятой Кацярыны (840 м над узроўнем мора). У гарах маюць свае крыніцы некалькі невялікіх рэкаў. Клімат трапічны: сьпякотны і вільготны пад час дажджоў і халодны, пасатны ў сухую пару. Грэнада знаходзіцца на паўднёвай мяжы паса ўраганаў.
Адміністрацыйны падзел
Грэнада дзеліцца на шэсьць раёнаў:
- Сэнт Эндру
- Сэнт Дэвід
- Сэнт Джордж
- Сэнт Джон
- Сэнт Марк
- Сэнт Патрык
Акрамя таго выспы Карыяку і Малая Мартыніка маюць некаторую аўтаномію.
This article uses material from the Wikipedia Беларуская (тарашкевіца) article Грэнада, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.