Горацка-Амсьціслаўская ўзвышаная раўніна — раўніна ў Магілёўскай вобласьці Беларусі.
Найбольшы пункт 239 м.
Займае найбольш высокую частку Аршанска-Магілёўскай раўніны. Абмяжоўваецца далінай ракі Сож на поўдні і вярхоўямі ракі Проні на захадзе.
Аснову тэктанічнай будовы складае Аршанская западзіна, запоўненая магутнымі адкладамі дэвонскіх і мелавых глінаў і вапнякоў. Характэрная асаблівасьць раўніны — магутныя адклады лёсападобных карбанатных суглінкаў і супяскоў таўшчынёй да 5—10 м, якія займаюць водападзелы рэчак і ствараюць плоскахвалістую плятопадобную паверхню раўніны з суфазіёзнымі ярамі і лагчынамі глыбінёй да 20—30 м. На дне некаторых зь іх цякуць сталыя ручаі. Часта трапляюцца сподкападобныя паніжэньні дыямэтрам да 50 м і глыбінёй 1—1,5 м.
Глебы ўрадлівыя дзярновыя, дзярнова-падзолістыя і сугліністыя з наяўнасьцю гумусу ў ворным слоі да 2,5%. Частка глебаў моцна эрадаваныя. Пад ворывам 60%, прыроднай расьліннасьцю — 10% тэрыторыі.
This article uses material from the Wikipedia Беларуская (тарашкевіца) article Горацка-Амсьціслаўская раўніна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.