Аэрапорт Гомель

31.01667° у. д. / 52.52694; 31.01667

Аэрапорт Гомель (IATA: GME, ICAO: UMGG) — аэрапорт, разьмешчаны недалёка ад гораду Гомель.

Аэрапорт Гомель
IATA: GME – ICAO: UMGG
Асноўнае
Тып аэрапорту	грамадзянскі
Апэратар	Гомельская філія ГП «Белаэранавіґацыя»
Абслугоўвае	Гомель
Месцазнаходжаньне	Гомельскі раён
Адкрыты	1968
Вышыня н. у. м.	144 м

Зь сярэдзіны 1950-х гадоў з Гомеля выконваліся рэгулярныя авіярэйсы ў Менск і Кіеў, у аддаленыя райцэнтры вобласьці, тут жа базіравалася санітарная і сельскагаспадарчая авіяцыя.

У 1968 годзе недалёка ад Гомеля быў пабудаваны новы, самы сучасны па тых часах узьлётна-пасадачны пас, на які першым прыназеміўся самалёт Ан-24. Пасьля сталі прымаць больш буйныя самалёты. На прадпрыемстве эксплюатаваліся самалёты Як-40, Ту-134 і Ту-154. Пасажыраабарот дасягаў некалькіх соцень чалавек. Рэйсы ажыцьцяўляліся ў Маскву, Сочы, Сымфэропаль і Адэсу. Інтэнсіўнымі сталі ў канцы 1980-х гадоў палёты ў раёны крайняга Поўначы і Заходняй Сыбіры.

У 1993 годзе аэрапорт «Гомель» атрымаў статус міжнароднага. Цяперашнім часам аэрапорт выкарыстоўвае авіякампанія «Белавія» для сэзонных лётаў у Менск і чартэрных лётаў. У аэрапорце працуюць памежныя, мытныя і санітарныя службы, а таксама службы сэрвісу.

Цяперашнім часам маецца адзін узьлётна-пасадачны пас даўжынёй 2570 мэтраў і шырынёй 43 мэтры, што дазваляе абслугоўваць самалёты Ан-24, Іл-76т, Ту-134, Ту-154, Ту-204, Boeing-737-200 максымальнай узьлётнай масай да 171 тоны.

Распрацаваны праект па рэканструкцыі аэрапорта. Прадугледжана пашырэньне і мадэрнізацыя да ўзроўню міжнародных патрабаваньняў тэхналягічных зон прылёту і вылету аэравакзала, зоны рэгістрацыі і надгляду пасажыраў і багажу, мытнага афармленьня і памежнага кантролю. Першы этап рэканструкцыі ажыцьцяўляецца за кошт сродкаў горада і Дзяржаўнага камітэта па авіяцыі Рэспублікі Беларусь.